影片
更多
2017-01-23
277 浏览
同男朋友系旺角行街，行到肚饿就谂住食晚餐。正考虑梗食韩国野定泰国野好，就见到呢间menu有一样野食好吸引，所以就决定入黎呢间食。平日黎讲都几多人，我地入去𠮶阵已经满左8成。我地叫左几样野食，第一样系串烧半打。串烧烧得岩岩好，金黄色带带少少焦，分量都几大串，食落去啖啖肉。沙嗲汁都唔错，泰式沙嗲汁唔辣，更带一份生花嘅坚果味。呢个串烧系一个唔错嘅小食，不过可以烧得更热更惹味就更好😎呢个就系今日嘅重头戏。系门外睇到个阵已经觉得好吸引，食落去果然冇令我失望。呢个分量都几多，大概两人份量。用烤到香香脆脆嘅面包装住软壳蟹咖哩，唔会浪费任何一滴咖哩。面包烤到好香脆，单食会食到清脆嘅声。点落咖哩入面，面包吸收晒咖喱汁，食落去劲满足。咖哩有微微嘅辣，令菜式更加惹味。而重重嘅椰奶味都令咖哩更加「泰国」。而软壳蟹都好好味，炸到外层脆卜卜，但入面都仲系有软壳蟹本身嘅质感。加上软壳蟹本身都有调味，加埋咖哩同面包一齐食，系口感，味道上都有惊喜。甜品当然就系芒果糯米饭。呢个嘅价钱相对上冇咁抵，但质素都相当唔错。芒果入量都几多下，仲多过饭，好似有成只芒果咁多。本身以为冬天芒果应该冇咁靓，点知啲芒果好甜，好好食。糯米饭系
平日黎讲都几多人，我地入去𠮶阵已经满左8成。
我地叫左几样野食，第一样系串烧半打。串烧烧得岩岩好，金黄色带带少少焦，分量都几大串，食落去啖啖肉。沙嗲汁都唔错，泰式沙嗲汁唔辣，更带一份生花嘅坚果味。呢个串烧系一个唔错嘅小食，不过可以烧得更热更惹味就更好😎
呢个就系今日嘅重头戏。系门外睇到个阵已经觉得好吸引，食落去果然冇令我失望。呢个分量都几多，大概两人份量。用烤到香香脆脆嘅面包装住软壳蟹咖哩，唔会浪费任何一滴咖哩。面包烤到好香脆，单食会食到清脆嘅声。点落咖哩入面，面包吸收晒咖喱汁，食落去劲满足。咖哩有微微嘅辣，令菜式更加惹味。而重重嘅椰奶味都令咖哩更加「泰国」。而软壳蟹都好好味，炸到外层脆卜卜，但入面都仲系有软壳蟹本身嘅质感。加上软壳蟹本身都有调味，加埋咖哩同面包一齐食，系口感，味道上都有惊喜。
甜品当然就系芒果糯米饭。呢个嘅价钱相对上冇咁抵，但质素都相当唔错。芒果入量都几多下，仲多过饭，好似有成只芒果咁多。本身以为冬天芒果应该冇咁靓，点知啲芒果好甜，好好食。糯米饭系热辣辣嘅，加埋啲椰汁好香。食埋芒果糯米饭真系一个完美嘅结尾。
我地都叫左杯椰汁三色冰。椰汁色香浓，甜度适中，三色冰有唔同嘅质感，有爽脆，有好似椰果嘅质感，一齐咬个阵口感都几正。
总括而言，呢间餐厅质素都几好，价钱都合理，我会为左个软壳蟹法包再黎食多次
张贴
