影片
更多
2015-06-10
524 浏览
喺某杂志见到有新奇dessert,食饱饭梗系要去试下啦.去到9点几,已经有人等紧位.好彩等咗几分钟就有张细枱俾我哋.舖头装修简单,光猛又modern，系D走廊同D位之间窄咗D.相信新舖关系,加上资源有限,佢地得一个menu (iPad). 可能店主们见我都等咗个menu成几分钟,于是出动私伙手机(内有menu)俾我睇住先.Order咗冰极炸猪扒同雪糕汉堡.卖相非常吸引,同真嘅一样咁! 连个便当盒内里嘅details, e.g.伴菜,酱汁都做到好足!!!到食果刻... 事关佢要做到个吉列同汉堡包效果,而呢个效果全由面包帮手. 我食饱饭先去... 结果好似食多餐咁,仲要系全"包"宴(连"薯条"都系用酥皮做). 重点系,过无耐个又冻又湿又腍嘅包已经令我对成个dessert冇晒兴趣. 个"猪扒"同"汉堡"系云尼拿同朱古力雪糕, 似爆! 但个味就一般般~ 同个包一齐食,根本食唔到个雪糕嘅味. 最尾唯有净系食埋D雪糕就埋单.Idea系好好,但个食物嘅构思有待改进.
去到9点几,已经有人等紧位.好彩等咗几分钟就有张细枱俾我哋.
舖头装修简单,光猛又modern，系D走廊同D位之间窄咗D.
相信新舖关系,加上资源有限,佢地得一个menu (iPad). 可能店主们见我都等咗个menu成几分钟,于是出动私伙手机(内有menu)俾我睇住先.
Order咗冰极炸猪扒同雪糕汉堡.
卖相非常吸引,同真嘅一样咁! 连个便当盒内里嘅details, e.g.伴菜,酱汁都做到好足!!!
到食果刻... 事关佢要做到个吉列同汉堡包效果,而呢个效果全由面包帮手. 我食饱饭先去... 结果好似食多餐咁,仲要系全"包"宴(连"薯条"都系用酥皮做). 重点系,过无耐个又冻又湿又腍嘅包已经令我对成个dessert冇晒兴趣.
个"猪扒"同"汉堡"系云尼拿同朱古力雪糕, 似爆! 但个味就一般般~ 同个包一齐食,根本食唔到个雪糕嘅味. 最尾唯有净系食埋D雪糕就埋单.
Idea系好好,但个食物嘅构思有待改进.
张贴
