盛八食堂 (已結業)

突然心思思想食蛋包饭，问左朋友好耐都唔知究竟附近边度有好味既蛋包饭，结果终于揾到呢见盛八食堂啦！佢位于fashion walk 既Aeon上面，其实都算几隐蔽下，朋友唔讲真系唔知里面原来有间餐厅。一入到去就见到佢系半开放式，虽然唔使等位，不过净系得一两个staff 搞到系门口企左一阵先有人招呼我地，而且waiter既态度有d冷淡，有待改进 虽然服务唔系十分好，不过餐厅装修同摆设就颇有心思，大家睇下呢个鸡蛋，估唔估到系咩黎架呢？其实佢系盐同胡椒樽黎架！真系好有心思好得意。我地叫左两个套餐包沙律/汤同野饮，不过我对佢个沙律好友保留 ...菜都算新鲜，不过上面加左椰果，同沙律格格不入，因为个沙律酱加左wasabi，食落去有阵几浓既味道，个人真系唔系好接受到椰果加沙律加wasabi酱...不过呢个豚肉白蛋包饭非常有意思，旁边陪左烧汁同芝士忌廉汁，净系卖相已经觉得非常精致同有心思，饭既分量好多而且系用番茄饭，煮得刚刚好，而上面既豚肉汉堡非常厚，食落有d似猪肉丸味，不过我略嫌有少少偏干，但系酱汁好多，味道方面烧汁较浓，而忌廉汁较甜，我觉得拌匀两种一齐食就最正啦！我地仲叫左个普通款式既蛋包饭，上