Lúa (已結業)

行过东角见到呢间餐厅咁靓就入去试下。蟹肉腊肠西瓜炒饭配咸蛋黄酱，餐厅推荐既新品，上菜劲得意搞笑，系个西瓜跌D饭出黎，咸蛋黄酱垫底，而上面就舖上黄金腊肠炒饭，蟹肉左右两排满满的，上顶就排列左西瓜既果肉。口感非常丰富，有腊肠甘荀既颗粒感，有咸蛋黄酱令到D饭唔会太干，甜甜既西瓜肉入口即融，成个饭消暑得黎，食完唔觉腻。炒鲜牛肉汤河，牛肉鲜味肉嫩，份量多! 另外有一只生蛋系汤入面，捞埋令牛肉更美味香滑，河粉亦都系滑溜溜。小食自选拼盘，我地选左猪肉春卷、粉包炸两、柑桔汁鸡翼，鸡翼大大只啖啖肉好juicy，外皮香脆加甜甜既柑桔汁好好味。网纹春卷包住丰富既猪肉好滋味，粉皮都几滑，爱食辣可以沾上酱汁，更有风味。鲜热情芒果沙冰，鲜青柠沙冰，两杯都好岩夏天饮，酸酸甜甜够晒冰冻! 呢度环境舒适好岩倾计，可望街景之余又有足够冷气。如果天气清凉D可以坐室外位置，更有越南特色同风味。假日餐厅人客都多，预先book 位会比较好。