我愛伊斯坦堡 (已搬遷) 新店位置

土耳其朋友唻香港探我，由于佢系回教徒，只可以食清真食物，做咗一轮research，决定同佢唻试试。睇咗之前d comment, 好似好坏参半⋯book 位时都特别留意，不过其实好顺利，店主 whatsapp menu 叫我地 pre-order，仲会介绍菜式比我地，感觉ok呀。推介嘅梅尔辛烧鸡，同丰富香料烧制，最好玩系原只上！剪开后里面塞满「有味饭」，变身成烧鸡饭！好味！最令朋友惊喜系炸自家制羊肉饺子。一口吃的size很讨好，配上乳酪（及蕃茄？！）汁，中和油炸感，开胃唔会滞 热辣辣食到停唔到口！朋友话佢都未食过咁做法嘅土耳其饺子，细问店主，原来系佢自创的呢！赞！朋友话比佢太太做的传统饺子仲好味 地方颇细，但平日去唔太多人，倾计都好relax。店主个样有d恶，但其实好友善，土耳其人一般都系咁。