Tardemah (K11 Musea) (已結業)

夜晚系k11 musea食完饭，发现都开咗唔少面包铺，间间都几香，好吸引haha。由于想买啲饱肚啲又可以比屋企人做早餐嘅面包，见呢间主要好似系卖原条方包为主，最后决定试下。面包店另设堂食区，下午茶时段可以坐低吹下水都不失为乐事。店员主要系韩国姨姨，佢地会好热情咁用中文同英文词汇介绍啲包，款式都几特别。-辣鸡方包方包颜色整体呈现咖喱黄色，而味道其实都同印度咖喱几似。面包口感带点湿润，鸡肉颇冶味，入面加咗唔少洋葱提香，不过我自己就唔太好洋葱。-蓝莓忌廉芝士方包基本上每啖都食到忌廉芝士，但又未至于腻口，份量算适中。亦食到清新蓝莓味，淡淡果香几适合朝早食。