素年 (三陂坊)

营业中

休息中

今日唔知系初一定十五，同行有位朋友想去食素，就拣左呢间素食餐厅。真系估唔到素食可以咁有惊喜～～～第一个点左个炸香芋波波里面劲多香芋！蕃薯条，好食～正常质素。呢个鱼香茄子意粉好有惊喜！！！ 啲肉碎整到好似真肉完全食唔出系素食，而且唔会太油，意粉又煮到岩岩好。系份量唔算多，但真系好食。汉堡就真系有啲普通，因为佢得个大啡蘑菇，又无咩酱，成个食落有啲干，芝士唔够多，个包本身都有啲干，相比其他菜式，系有啲失望。咖哩猪扒饭，一入到去就见到好多人叫，我哋都唔执输叫左，非常非常好食！超多咖哩汁，加埋块平果食落口平衡返唔会太腻。猪扒炸得好松软，呢道菜系必食之选！呢个青意粉就有啲普通唔够味。最后黎到甜品，呢个pancake 好正又大份，我哋四个人食差啲食唔晒😂另外朱古力同个蛋糕就都好食不过无咩特别。