六和素食 (已結業)

大人朋友约埋一齐食饭, 两位小姐都钟意食素, 所以专登揾呢间未去过既去试下, 又估唔到有惊喜叫左四𩠌两甜品, 再加本身送既糖水, 份量刚刚好牛油果天香卷 - 面用牛油果代替鱼生, 里面就塞满菜苗, 应该系萝卜苗, 味道好草青, 不过感觉系几清新既梅菜扣肉 - 个样真系好呃得吓人, 夹到碗留心睇先见到少少分别, 口感唔错, 虽然用冬瓜造, 不过酱汁做得好好, 梅菜又多, 捞饭食一流, 所以食起黎都好满足浓汤沙窝云吞鸡 - 材料好丰富, 有白果, 素肉, 菜同埋斋云吞, 味道好香好浓, 估唔到素既云吞鸡会咁好食, 冇谂过面根可以做到咁既口感片皮鸭 - 一睇张相就一直叫呢味𩠌做片皮鸭, 其实应该系乳珠拼挂包; 佢既素肉口感又同云吞鸡既有少少唔同, 当然佢煎香左都有好大分别, 煎香左加埋个酱料, 又真系几好食, 尤其是个包,  望落去以为好实, 入面原来好软绵绵, 尤其热食更好味甜品就叫左红枣糕同桂花炖雪梨，桂花好香, 自己一向唔钟意食热既生果, 好在呢个既甜味唔算过份, 食落去都有一阵清香; 个红枣糕既红枣味就唔太够, 不过素食朋友就会啱哂, 清新D; 另外仲有送既西米红豆沙, 粒粒红豆咬口