Yamm

营业中

休息中

人间悲剧莫过于年三十做唔晒啲野，初一要返工。过年出街食认真头痕，好彩公司系对面就系Mira，平时都会间中过去食下，贪佢就脚之余，佢嘅buffet都算系咁。但估唔到初一食buffet都有咁多人，特备年目有舞狮同财神，都几有气氛。即开生蚝: 中规中距，唔算肥，但都有蚝味，不过唔敢食咁多，肠胃唔太好过人，仲要过年国金轩叉烧：哗……最钟意食叉烧嘅我，仲要系名牌㖞，当然要食多两件啦。即炒燕窝炒蛋：同事唔敢试，因大病过要界口，咁我就代劳，都几多燕窝，蛋炒得几嫩滑，值得一赞。甜品好多款式，但不太喜欢甜食，只系轻轻品尝，最爱豆腐花，食左两碗可能我钟情面包，真系唔介意佢面包比一般buffet多款式，因为知道佢哋嘅面包系自家制，就更加要加分，好多地方都已经无自己嘅面包出品。最后系题外话，行去攞寿司果阵，比个fill碟嘅妹妹撞到，其实都唔应该怪佢，睇真啲，系佢出入嘅门口，有块布帘阻挡佢嘅视线。其实都几危险，如果当时佢唔系企得稳，系向前仆的话，手上啲碟可能就咁向前倾倒，咁我就中招啦，话晒年初一，真系大吉利市。