華記粥品餐廳

营业中

休息中

通常过年后，都预咗所有食店都会加价。到华记粥品门口望下，无加价既，做街坊生意果然系开心啲既。今日决定食白粥及炸两。白粥：淡淡地，唔觉有味精或盐或其他调味，9蚊。炸两： 一上枱已落普通生抽豉油，浸住条炸两。枱面上有酱料：甜酱，芝麻，可以自己加。讲明先，油炸鬼唔脆嘅系淋既，15蚊。系，呢度食物系平平无奇，但我接受。因为做街坊生意，仲想有咩要求？我坐门口位一直都见到好多长者入嚟食早餐， 都系嗌碗粥同埋油炸鬼，咁就20蚊，真系平过出面食早餐或饮茶。