寶哥火鍋味館 (已結業)

而家天气开始冻啦，咁嘅时候紧系食火锅啦，放工前打电话比老二，叫佢今晚一齐食火㶽，约咗佢系佐敦地铁站等，因为有𠮶朋友介绍我去佐敦，𠮶度有间好出名嘅 火锅店，叫做(宝哥火锅味馆)，地鉄站行过去都系大概 十零分钟咁上下，侍应比咗𠮶近窗口嘅位我地，餐牌有一个任饮任食套餐，分A,B,C，我地拣左A餐，先嚟一个刺身拼盘，甜虾和希灵鱼味道鲜美，跟住叫咗𠮶 宝宝鸡煲 我要咗一个小辣，咁就唔使要汤底，鸡肉 鲜嫩，辣味适中，食咗鸡煲先打边炉， 火锅配料 要咗，特级美国肥牛，野猪肉眼根，猪仔蝴蝶腩，百花酿油条 ，招牌白鳝片，脆肉鲩鱼腩，鲜鲩鱼卜，鲜虾云吞，凤城水饺，台湾贡丸，特级墨汁墨鱼丸，黑木耳，鲜鹅肠，饮品要咗啤酒，食咗大部份鸡件，先放美国肥牛先，肉质和口感都一流，配埋𠮶个人自家制酱汁，正，再食吓特级墨汁墨鱼丸先，真系用墨汁捞埋一齐整㗎，墨鱼味道好浓，又弹牙，其他食材味道都好OK，直得一提系野猪肉眼根，系我全晚嘅至爱，味道和口感都好正，两兄弟今晚饮啤酒都唔少，因为啲嘢食真系有水准，下次一定要再来食过，二佬话我介绍咗佢食呢餐正嘢，等佢做东㖞。