樂天經典 (奧海城二期)

营业中

休息中

之前喺青衣食过同一集团嘅乐天皇朝，上次个小笼包认真吸引。今日喺奥海城见到呢间乐天经典，主打南洋中菜，真系要试下佢啦。晚饭时间只需等5分钟左右，算好快了。店员向我地介绍佢地招牌菜色，新加坡风味--蟹之惑。有4种选择辣椒螃蟹、黄金焗螃蟹、星洲黑胡椒螃蟹同埋花雕鸡油蒸螃蟹，四款各有风味，我嘅选择困难症又发作啦。另外，餐牌仲有其他充满南洋风味嘅小菜可供选择。我就拣左呢个淮山杞子螺头汤，咪睇佢煲仔细细，都分到5碗出黎架，天气冻饮碗热汤，即时觉得暖入心呀。睇睇啲汤料就知系足料靓汤啦，淮山、杞子、螺头、鸡脚全部都啱食又够滋润。虾肉鲜甜，外皮酥香而且爽脆可口，相当吸引。有老婆最爱嘅西兰花，仲有大大只冬菇，配上香浓芡汁。拣左一款新颖少少嘅菜式--咖啡脆鸡，咖啡味相当重，我比较少饮咖啡，食左一件算了，但爱饮咖啡嘅老婆就赞特式又美味。螃蟹身型庞大，铺满金黄嘅咸蛋，隔离几台都比咸蛋嘅香气吸引，忍唔住望向我地。味道方面，虽然咸蛋味够重，但仍然食到蟹肉嘅鲜甜，不得不赞。招牌海鲜皇炒饭，而炒饭最紧要饭粒够干身，再自行加上刚才黄金蟹嘅蛋黄碎，味觉一流。最后送上古早鱼香老鼠粉煲，唔好比个名吓亲，其实叫老鼠粉系跟佢个粉嘅