影片
更多
2021-07-02
2754 浏览
九龙城日本菜 三和叙集齐日本传统料理：寿司、铁板烧、炉端烧于一身。地下主要提供炉端烧，一楼以铁板烧同和食为主，更设有VIP房。一楼大约可以容纳到12人，估唔到平日嚟到都满座，坐唔到铁板嘅正前方，只可以远观厨师嘅手艺，有兴趣嘅朋友记住提早订枱啦~日本北海道长脚蟹 $3880/两位用1️⃣时令水果前菜有开胃嘅生果，有西瓜、红火龙果、蜜瓜，仲有啲啫喱糖。2️⃣日本甘鲷配海胆黑松露酱相当有惊喜嘅煮法！主厨用类似炸子鸡淋油嘅方法 ，将滚油淋系鱼鳞上面，令鱼鳞变得好似薯片咁脆身！鱼肉则用上半焗半煎嘅烹调方式，令鱼肉唔会过老过干。个人几钟意个海胆松露酱，海胆同松露平衡得几好，又唔会抢左鱼嘅鲜味。3️⃣日本北海道长脚蟹北海道长脚蟹已预先拆壳，一笃就食得！蟹肉鲜甜软腍，带焦香之余又唔会烧得好干。用上柚子调味，调味十足，但略嫌盖过长脚蟹嘅鲜甜。4️⃣苏格兰圣子皇伴日本舞茸菇圣子皇鲜甜爽弹，入口舞茸菇香气十足。系家姐细妹最钟意嘅一道菜！5️⃣有机野菜沙律配芝麻酱食牛柳之前，系时候食道沙律清清味蕾。沙律菜爽口清新，仲有蕃茄仔、豆、椰果、香脆嘅面包糠。6️⃣日本米沢牛牛柳米沢牛号称日本三大和牛之一，唔系好多地方食到，难得今次可以一尝！
集齐日本传统料理：寿司、铁板烧、炉端烧于一身。地下主要提供炉端烧，一楼以铁板烧同和食为主，更设有VIP房。
一楼大约可以容纳到12人，估唔到平日嚟到都满座，坐唔到铁板嘅正前方，只可以远观厨师嘅手艺，有兴趣嘅朋友记住提早订枱啦~
日本北海道长脚蟹 $3880/两位用
1️⃣时令水果
时令水果
63 浏览
0 赞好
0 留言
前菜有开胃嘅生果，有西瓜、红火龙果、蜜瓜，仲有啲啫喱糖。
2️⃣日本甘鲷配海胆黑松露酱
相当有惊喜嘅煮法！主厨用类似炸子鸡淋油嘅方法 ，将滚油淋系鱼鳞上面，令鱼鳞变得好似薯片咁脆身！鱼肉则用上半焗半煎嘅烹调方式，令鱼肉唔会过老过干。个人几钟意个海胆松露酱，海胆同松露平衡得几好，又唔会抢左鱼嘅鲜味。
3️⃣日本北海道长脚蟹
日本北海道长脚蟹
77 浏览
0 赞好
0 留言
北海道长脚蟹已预先拆壳，一笃就食得！蟹肉鲜甜软腍，带焦香之余又唔会烧得好干。用上柚子调味，调味十足，但略嫌盖过长脚蟹嘅鲜甜。
4️⃣苏格兰圣子皇伴日本舞茸菇
苏格兰圣子皇伴日本舞茸菇
46 浏览
0 赞好
0 留言
圣子皇鲜甜爽弹，入口舞茸菇香气十足。系家姐细妹最钟意嘅一道菜！
5️⃣有机野菜沙律配芝麻酱
食牛柳之前，系时候食道沙律清清味蕾。沙律菜爽口清新，仲有蕃茄仔、豆、椰果、香脆嘅面包糠。
6️⃣日本米沢牛牛柳
日本米沢牛牛柳
51 浏览
0 赞好
0 留言
日本米沢牛牛柳
64 浏览
0 赞好
0 留言
米沢牛号称日本三大和牛之一，唔系好多地方食到，难得今次可以一尝！
牛柳分别拣左3成熟同5成熟~ 3成熟肉质相当滑嫩，油脂感较重。5成熟牛味就相对较重，肉质同样软腍。
牛柳烹调嘅时候无加任何调味，但上碟就有昆布盐、海草盐、独子蒜等唔同嘅调味料比食客自行沾上。最特别嘅莫过于昆布盐！食落真系有海洋嘅气息，甘香风味十足，咸味唔会过重，同时提升肉嘅香气同甜味。
旁边亦附上金沙面鼓酱，专配南瓜、茄子等蔬菜，甜甜咸咸又几夹。
7️⃣日本和牛炒饭
炒饭炒得好干身！和牛粒大小适中，毫不干柴。炒饭入口带蛋香，加左好多萝卜粒、洋葱、爽口菜粒，口感丰富。不过个人就觉得可以再重口味啲啦。8️⃣季节清汤
清汤日日唔同，今日就系海带菇汤~ 望落清清地，但入口菇味浓郁之余，饮落相当舒服唔会过咸。
9️⃣厨师精选甜品 - 四川冰粉
冰粉冰凉滑溜，加埋青提子、清爽西瓜粒、红火龙果、花生碎、山渣碎，酸酸甜甜，口感丰富又解腻。
张贴
