阿夫利拉麵 (The ONE)

营业中

休息中

见到E字APP Book枱有75折，而网上食评赞口味清新、特别，加上自己从未食过呢款拉面，同埋最近又食多左油腻野，所以决定今餐dinner食清淡少少🙊。呢度出名系柚子味嘅拉面，所以点左一个餐厅推介嘅柚子盐味，另一个就系网上人气推介柚子沾面。柚子盐味 $98 (原价)上枱已经闻到淡淡清新柚子香，个汤底望落几清，饮落柚子味唔浓，反而酸味几出，就好似饮紧唔甜嘅柚子蜜。叉烧有火炙香亦有猪香，不过肥左少少。笋就麻麻地，煮到偏淋，而且无左笋本身独有嘅气味。柚子沾面 $108 (原价)我地两个都觉得呢款好味D，面底我拣左温面，面质比上面果款粗身，而且黏性高。个柚子汁味浓，而且酸、甜、咸适中，不过拉面额外加左D油防痴，所以整体食落油腻感依然高。呢个豚肉无论味道、口感都比叉烧好，炆到够淋又有少少甜嘅酱油香。至于个溏心蛋，就真系蛋味，无浸过任何酱油。如果用正价，我一定唔会试😅，有优惠又未食过柚子拉面嘅人可以试下。如果第一次嚟，我会推介柚子沾面，不竟另一款较酸嘅拉面唔系人人能够接受😏。折后TOTAL $154.5。