泰巷 (將軍澳廣場) (已結業)

星期六食饭时间经过将军澳就睇吓有咩食，见到呢间泰巷有set lunch就入咗去食。我哋叫咗两个set，清汤手撕鸡汤河送烧沙嗲鸡肉串($58)，汤河略嫌较淡，但手撕鸡同埋河粉嘅份量都非常充足。值得一赞嘅系鸡肉串中嘅鸡肉非常嫩滑，沙嗲酱亦非常惹味。另外我哋叫咗一个布吉香辣班球饭($62)，我哋拣咗黄咖喱，黄咖喱酱加上了少许椰汁，与白饭系最佳嘅配搭。整个餐嘅份量都非常丰富，餐配有前菜，可以选择餐汤或者沙律，加$3亦配有冻餐饮，确实系丰富嘅午餐。