影片
更多
2023-11-21
1368 浏览
平时想食泰国菜就会去九龙城, 刚好又到左我同朋友既聚餐日, 我地至钟意每次都食新餐厅, 佢系网上揾到间特色泰国菜餐厅订左位, 同平时食既唔一样上星期我地系平日日子黎, 所以人客唔算好多, 但我地都有订枱, 以免要等位餐前小食我地叫左个虾片任食, 食完仲可以再叫店员加, 另配左蛋黄酱一齐点食, 炸到脆卜卜, 愈食愈停唔到口, 仲要放耐左都依然保持脆度小火山三味刺身一口杯盛合一共有六杯三款刺身, 分别有泰式生虾、三文鱼同带子刺身, 三款刺身都放左唔同既泰式酱汁系面头, 生虾爽弹可口, 辣青椒酱汁辣得惹味醒胃, 三文鱼同带子刺身入口鲜甜肥美, 估唔到配辣酱汁味道咁夹, 值得一试!我地叫左个泰猪锅, 预设汤底系蔬菜清汤, 可以另外升级叫三款不同既汤底, 我地拣左要小火山牛骨船汤同香茅椰汁鸡汤, 店员帮我地把汤分别倒系铁板锅两侧, 等差唔多滚就可以开始烧同灼肉, 店员教我地如果想烧肉, 可以先将牛脂肪搽满系铁板上, 再直接放生肉系上面烧烤, 而两侧汤底既食法系先将生肉放进汤底灼大约8-10下左右, 然后放系铁板上烧烤, 系令汤汁挂系肉上再烧, 令块肉带底既味道之余, 食落又唔会太过热气小火山经典
上星期我地系平日日子黎, 所以人客唔算好多, 但我地都有订枱, 以免要等位
餐前小食我地叫左个虾片任食, 食完仲可以再叫店员加, 另配左蛋黄酱一齐点食, 炸到脆卜卜, 愈食愈停唔到口, 仲要放耐左都依然保持脆度
小火山三味刺身一口杯盛合
一共有六杯三款刺身, 分别有泰式生虾、三文鱼同带子刺身, 三款刺身都放左唔同既泰式酱汁系面头, 生虾爽弹可口, 辣青椒酱汁辣得惹味醒胃, 三文鱼同带子刺身入口鲜甜肥美, 估唔到配辣酱汁味道咁夹, 值得一试!
我地叫左个泰猪锅, 预设汤底系蔬菜清汤, 可以另外升级叫三款不同既汤底, 我地拣左要小火山牛骨船汤同香茅椰汁鸡汤, 店员帮我地把汤分别倒系铁板锅两侧, 等差唔多滚就可以开始烧同灼肉, 店员教我地如果想烧肉, 可以先将牛脂肪搽满系铁板上, 再直接放生肉系上面烧烤, 而两侧汤底既食法系先将生肉放进汤底灼大约8-10下左右, 然后放系铁板上烧烤, 系令汤汁挂系肉上再烧, 令块肉带底既味道之余, 食落又唔会太过热气
小火山经典泰猪锅拼盘
拼盘当中分别有小火山特选北海道千岁米豚、伊比利亚黑毛猪梅花肉、波兰A级无骨猪腩同手切泰式猪颈肉, 全部猪肉都相当新鲜, 食得出猪肉原有香气
我同朋友异口同声不得不赞伊比利亚黑毛猪梅花肉, 将佢放入汤锅中先灼再后烧, 唔洗点任可酱料都已经食到猪肉既甜味同汤汁既有味道, 口感软熟, 油脂分怖平均, 好好味
泰式猪梅花肉片
面头放左生鸡蛋, 跟猪梅花肉片拌匀再放入汤灼熟, 蛋汁令肉质增加滑度, 食落相当嫩滑可口, 猪肉甜味强烈, 超钟意啊!
另外我地仲叫左日本南瓜、金边粉、通菜, 南瓜同样先灼再烧, 味道香甜又唔会太过干身, 而金边粉放入牛骨汤𠮶边煮好似食紧泰式船粉咁, 好惹味
蝶豆花芒果糯米饭
好彩个甜品系一口尺寸, 我地食完主食已经有八成饱, 糯米饭入口烟刃, 椰汁味道调得刚好又唔会过份甜
另外我地仲叫左泰式奶茶同泰式双柠红茶, 甜度恰道好处, 香料味唔会过分浓, 几好饮!
张贴
