東方宮蘭州牛肉拉麵 (已結業)

今日约左友人落铜锣湾行街，行到咁上下就肚饿了。又咁岩见到呢间铺门口玻璃橱窗内有个师傅系度拉面。好得意，便行左入去。兰州人喜欢食面食，所以都喜欢研究面既各种制作同食法。而岩岩我地见到既师傅就系度拉面，睇住一大块面团经过揉揣后被拉成粗细均匀的面条。真系好有趣。而且听佢地口音，应该都系兰州本地人。令我对与这一餐充满左期待。自家制辣椒油，香口但唔辣。应该属于钓味。香菜凉拌牛肉。卤制而成既牛肉，师傅将佢薄切，再配上醋以及香菜，香得黎又十分有嚼口。兰州炸酱面。极力推介，份量十足。面淋既程度岩岩好，炸酱与面轻轻捞匀，因为面系阔条面，所以炸酱都可以好好咁附在面上。再加上青瓜，这浓浓既酱香以及黄瓜既爽脆口感会令你一啖接一啖。红烧牛肉拉面。每一条拉面真系一样既大细，非常有弹牙有嚼口，汤虽然系清汤，但都有浓浓既牛肉香。而且仲唔油，最后当然系连汤都唔放过啦。初次感觉唔错。