影片
更多
2022-02-13
826 浏览
年初三赤口出街走走，我哋去咗发掘港岛南区，简简单单行个南朗山🏞。出发前先食啲嘢，本身想帮衬熟食中心，但新正头好多都无开，我哋最终上网揾到有间叫「Africa Coffee & Tea」嘅餐厅有开，就一于试吓。由于唔熟呢区，开初我仲以为餐厅系喺工厦入面🙈，谁不知原来座落于新建嘅商厦内。同时，到访嘅客人数量亦远比想像中多，餐厅人气颇高的。餐厅占地面积唔大，不过环境就几舒适，望到避风塘海景绝对系加分位🌊。另一边厢，呢度嘅装修别具民族特色，舖内挂咗唔少喺非洲拍摄嘅相片，其中大墙身图内嘅建筑物系位于埃塞俄比亚嘅Rock-Hewn Churches of Lalibela。虽然自己未有机会去，但也长知识呢！餐厅主打非洲菜，老实讲真系完全唔知系食啲乜🙈，但望落餐牌上嘅食物都算大路，感觉似中东菜／印度菜。有唔少店员系外籍人士，幸好老板娘讲广东话，同声同气，佢嘅介绍令我哋更加了解菜式内容。South African Baked Chicken Thigh($120)，原本想食咖哩羊，但竟然卖哂😭，有啲失望，唯有转战另一款饭。非洲烤鸡用上霹雳霹雳酱Spicy Peri Peri Sauce调味，辣度唔算好
年初三赤口出街走走，我哋去咗发掘港岛南区，简简单单行个南朗山🏞。出发前先食啲嘢，本身想帮衬熟食中心，但新正头好多都无开，我哋最终上网揾到有间叫「Africa Coffee & Tea」嘅餐厅有开，就一于试吓。
由于唔熟呢区，开初我仲以为餐厅系喺工厦入面🙈，谁不知原来座落于新建嘅商厦内。同时，到访嘅客人数量亦远比想像中多，餐厅人气颇高的。
餐厅占地面积唔大，不过环境就几舒适，望到避风塘海景绝对系加分位🌊。另一边厢，呢度嘅装修别具民族特色，舖内挂咗唔少喺非洲拍摄嘅相片，其中大墙身图内嘅建筑物系位于埃塞俄比亚嘅Rock-Hewn Churches of Lalibela。虽然自己未有机会去，但也长知识呢！
餐厅主打非洲菜，老实讲真系完全唔知系食啲乜🙈，但望落餐牌上嘅食物都算大路，感觉似中东菜／印度菜。有唔少店员系外籍人士，幸好老板娘讲广东话，同声同气，佢嘅介绍令我哋更加了解菜式内容。
South African Baked Chicken Thigh
$120
68 浏览
0 赞好
0 留言
呢道菜嘅主食系印度香米Basmati Rice🍚，印度米粒偏长身，而且干爽分明。香米用上黄姜煮制，所以散发住好重香料味，就咁食无𩠌配都好味道。虽则如此，但整体都系略嫌唔够汁捞饭食，唔知可唔可以要求多汁呢。饭以外仲有啲蔬菜🥕，包括薯仔、红萝卜同豆角，感觉健康。
Smoked Salmon Rolex & House Salad
$118
57 浏览
0 赞好
0 留言
卷物食落几清新🌯，无印式咁重口味。另一样抵赞嘅地方系食物即叫即整，新鲜热辣送上，所以质感好软熟。伴旁有沙律菜🥗，但份量好少，不过酸酸哋都几开胃，而且更有藜麦粒添。
Tiramisu
$48
63 浏览
0 赞好
0 留言
白色层系马斯卡邦芝士Mascarpone Cheese🧀，质感细滑，食落更好似自身带啲咖啡味，咖啡豆嘅酸味。啡色层虽然唔系手指饼，但索汁嘅程度有过之而无不及。你睇我用叉轻轻一压，啲咖啡就吱晒出嚟☕️，但味道又唔会太苦，酒香恰到好处。作为提拉米苏专员嘅我认为呢度嘅出品值得推介，未必话系最好食，但就好有自家特色，又不失传统风味。
S. A. Rooibos Matcha Latte
$45
78 浏览
0 赞好
0 留言
总括嚟讲，今餐系一个唔错嘅体验，非洲菜比想像中易入口🇿🇦🇨🇫🌍。本身仲想试埋佢嘅鱼饼，但可惜同样售罄。餐厅咁受欢迎，下次如果再嚟帮衬睇怕要早啲。定价方面，我认为属中等水平，人均消费约二百蚊，但如果份量多啲就更好，毕竟我系女仔食完都觉得只系饱咗七成😝。
张贴
