好好運快餐店 (已結業)

今日放假，下昼谂住去长沙湾睇戏，睇戏之前就去左试驰名全港既好好运沙爹牛！下午１点左右到，好彩一个人黎咋，因为一去到已经见到门外有长长既人龙。。好彩等左５分钟就入得，老细好快手就即刻问埋食乜野～第一次黎到梗系食沙爹牛啦，可以配两个𩠌，咁我就拣左炒蛋同火腿。第一次都系食ｄ简单野试试佢先哈哈坐低等左几分钟就已经有得食！未食见到个汤底已经觉得好正，唔会好稀。食落果然系非常入味，而且唔会死咸，好浓郁！牛肉既份量都系唔少的，加埋两个𩠌真系好够饱！！但个人认为个炒蛋就熟左少少，不过$50一个餐包埋野饮就冇野可以弹啦～