金興小廚

营业中

休息中

平时买开蛇羹食，都会留意呢间餐厅，因为朋友食过话唔错，不过最惨系佢唔做晚市既，咁利害唔做晚市都够交租 🤨 真系有时想试下都有啲难道，今日晚上经过发现佢依家竟然做埋夜市，真系估佢唔到，所以二话不说就帮衬。系门口睇紧餐牌之际，老板行咗出嚟介绍餐牌，同时我亦好奇问下点解会开埋晚市同寒暄咗几句，系老板推介下拣咗日式咖喱奄列蛋包饭配鸡髀拼司华力肠。日式咖喱奄列蛋包饭配鸡髀拼司华力肠 ($58) : 虽然饭底几好唔错，奄列亦做得出色， 不过唔知系咪外卖既关系，盒饭真系几细盒下，食完都重有啲肚饿 😅 鸡髀用卤髀黎炸，唔系生炸始终差啲，而司华力肠就得半条，成个饭味道就普普通通无咩惊喜，可能我无试佢地既皇牌菜挂，下次试下佢地好出名既咸鸡饭。