影片
更多
2012-08-09
14 浏览
今晚友人本来想食豚王拉面, 点知去到先知星期日休息 谂住转去baby café, 落到去见到monster就系隔离, 友人话想食呢间多 d, , 7点左右黎到唔使等位, 入面灯光昏暗, 唔系好多客, 都有好多位剩, 我地选左order枱, 一边系长长sofa 位几好坐, 点食物的剔纸仔都有好几张, 都几多款㖞 我地叫左呢几样, 佢嘅饭偏酸少少, 但又无上次食峰寿司的咁酸, 我都系钟意元气寿司饭嘅味道, 较合我口味鳗鱼寿司 $26 – 睇图见有大块鳗鱼即叫, 入口肥美软熟, 寿司饭上面的鳗鱼本身已沾左鳗鱼汁, 我觉得如果食呢个鳗鱼寿司唔够汁系会好失色, 呢个ok帆立贝寿司 $35 – 带子鲜甜, 其实好多收咁上下价钱的店都食度呢个质数, 所以唔算太特别 (呢度另多有款珍宝带子寿司, 贵d我地无叫)浓汁火炙三文鱼寿司 $18– 一般, 食唔出咩浓汁, 就系普通一件烧左面的三文鱼 幸好都系腩位都够肥美.黑松露吞拿鱼腩鹅肝卷 $42 –上面的粉红色系吞拿鱼蓉都几新鲜, 吞拿鱼一般都系无咩特别味, 再上面黑色果 d 就系黑松露酱, 都系唔多觉有咩香味食得出, 成件最出系芒果味, 令到整件卷都有淡
谂住转去baby café, 落到去见到monster就系隔离, 友人话想食呢间多 d, , 7点左右黎到唔使等位, 入面灯光昏暗, 唔系好多客, 都有好多位剩, 我地选左order枱, 一边系长长sofa 位几好坐, 点食物的剔纸仔都有好几张, 都几多款㖞
我地叫左呢几样, 佢嘅饭偏酸少少, 但又无上次食峰寿司的咁酸, 我都系钟意元气寿司饭嘅味道, 较合我口味
鳗鱼寿司 $26 – 睇图见有大块鳗鱼即叫, 入口肥美软熟, 寿司饭上面的鳗鱼本身已沾左鳗鱼汁, 我觉得如果食呢个鳗鱼寿司唔够汁系会好失色, 呢个ok
帆立贝寿司 $35 – 带子鲜甜, 其实好多收咁上下价钱的店都食度呢个质数, 所以唔算太特别 (呢度另多有款珍宝带子寿司, 贵d我地无叫)
浓汁火炙三文鱼寿司 $18– 一般, 食唔出咩浓汁, 就系普通一件烧左面的三文鱼 幸好都系腩位都够肥美.
黑松露吞拿鱼腩鹅肝卷 $42 –上面的粉红色系吞拿鱼蓉都几新鲜, 吞拿鱼一般都系无咩特别味, 再上面黑色果 d 就系黑松露酱, 都系唔多觉有咩香味食得出, 成件最出系芒果味, 令到整件卷都有淡淡芒果香味, 好 fresh , 如果中间的鹅肝酱改用煎香的鹅肝粒效果一定更好, 而家鹅肝味唔系几出.
蒜香厚烧牛舌 $35 – 每件牛舌都占左薄薄粉酱炸过, 睇见个样好似炸到干争争咁, 同一般的烧牛舌唔同, 心想可能叫错左呢个了, 一咬落去, 错了, 原来里面好淋, 有肉汁的, 加埋个面脆脆地, 好好味㖞, 伴碟仲有少少蟹柳同生菜, 正呀 !
黄金烤蚝 $28 – 叫左一只试下, 系面个汁真系金黄色, 先试个汁酸味同咸味刚好, 唔错, 食埋只蚝, oh….太老了, 有点鞋, 唔合格
整体呢讲, d饭酸左d有少少抢左食材的味道, 唔做咁酸会较好, 但唔可以再比呢次酸, 再酸就会变成难食 ; 而且无元气的饭咁软熟, 饭还是微凉的; 食味整体唔算太出色, 价位略贵元气少少. 但款式系颇多, 都可一试.
张贴
