冒喜 (柏廷坊)

营业中

休息中

冒喜 - 上环📍上环文咸东街22-26号柏廷坊25楼冒菜系香港都比较少见，见佢有三间分店，感觉都非常可靠。店舖写明采用正宗冒菜做法烹调汤底，制作过程中必需使用辣椒油，因而正宗冒菜会有一定的油腻感。我地就拣左一辣一唔辣既汤底比较下。吉祥套餐（6𩠌） - $66 + $5 主食秘制香辣汤（微辣）潮汕手搥牛肉丸、蒜香墨鱼丸、贵州丁家脆哨、竹轮、滑牛、萝卜片+米线养生白胡椒汤潮汕手搥牛肉丸、蒜香墨鱼丸、贵州丁家脆哨、肥牛、油麦菜、芫茜+米线两个汤头都好味， 香辣汤有少油，但整开啲油就会品尝到少少辣味、少少蒜味同埋少少肉味，好有层次。 白胡椒汤好清甜，好暖胃，用呢个汤叫菜就岩岩好。配料方面，最特别就系脆哨，系酥脆既肉燥，可以就咁食底连汤食。牛肉系爆晒汁既，墨鱼丸都好有咬口。菜类都好新鲜，白萝卜够淋无渣。洛神花山楂苹果/酸梅青柠乌龙茶 - $15两个口味都系酸酸甜甜，除左开胃仲解辣一流，真系一饮就无晒辣感，好神奇。滕椒凉拌鱼皮 - $48鱼皮爽口弹牙，川式调味好惹味，但又唔会太重口味。可惜当日无冰粉，可以下次再战。