嘉樂冰廳 (新村街)

营业中

休息中

听闻嘉乐冰厅快要结业，所以今次特登黎试试佢好出名嘅蛋牛治！我系下午茶时间去到，餐厅里面一直坐满左食客，我等左一阵就可以入去食喇～餐厅座位比较逼，而卡位嘅枱亦较细，野食黎到有机会唔够位摆。呢度系无茶餐供应嘅，我就散叫左个咸牛肉蛋治同阿华田奶昔，茶餐厅黎讲都唔平。黎到喇！果然系几大份，个炒蛋够晒厚，非常足料。可惜炒蛋嘅口感偏老同干，味道比唔上个视觉效果，但整体食落都好满足。至于个阿华田奶昔，华田味道香浓，但盛惠二十九蚊，性价比低。