川粵小食 (已搬遷) 新店位置

大大话话都帮衬左呢间小店半年，因为真系又方便又好味。虽然好多时都系买外卖，但总有时间系堂食既。因为成日食既缘故，已经唔知几耐无睇过餐牌啦，系一次机缘巧合既情况底下听到其他客人叫干拌面，亦都亲眼见过系咩黎之后，就决定试下啦。「干拌面」其实即系辣酱捞面，初时都有担心系无𩠌底下个面会唔会好寡，但系出到黎既效果真系好好，卖相就好似炸酱面咁，辣酱加埋少少肉碎捞入面，入口微辣，带少少麻，打开外卖碗既时候仲散发出阵阵香味，除此之外，因为无汤既关系，「干拌面」无汤米线咁热，大热天时食都几适合。不过，食完D咁浓味既野之后记住要饮返D野或者食返粒薄荷糖清返个口啦。