川粵小食 (已搬遷) 新店位置

📍#川粵小食🇭🇰香港柴灣利眾街華夏村華欣樓地下3號舖🇭🇰 Shop 3, G/F, Wah Yan House, Wah Ha Estate, Lee Chung Street, Chai Wan, HK🌐柴灣 味道: 👅👅👅👅賣相: 👀👀價格: 💰💰💰💰性價比: ⭐️⭐️⭐️⭐️回頭率: 🔆🔆🔆🔆人均消費：HKD58發現外賣app多了好多餐廳加盟🤩今次就試試柴灣地鐵站附近的一家川菜小店⭐️紅燒牛肉麵🍜$48紅燒牛肉麵有辣度選擇，點了一碗不辣的，一碗中辣！坦白說，紅燒牛肉份量少，十分細塊，面也不算有什麼特別，而且賣相頗醜🤣不過帶辣的湯底超級惹味香濃，雖說中辣，但已經食到我不停的流汗，但越辣就越想食，以湯底來說 $48算十分不錯🆗墨魚丸米線🍜$42超級清湯的墨魚丸米線，湯底米線就不說了但墨魚丸夠香，口感也不錯⭐️尖椒皮蛋🥚$24說好的尖椒皮蛋，尖椒呢？🤣$24來說，皮蛋份量都頗多！配料多，十分辣十分濃啊！又是越辣越想食皮蛋黏黏的口感好，抵食！雖然賣相真的好差，但性價比算高

Living in Chai Wan when we for the first time found out about this little take away restaurant, we as lovers of spicy food were pleasantly surprised. For us this has become one of our favourites in this neighborhood. As the taste of their dishes is quite strong we have made our return frequency to once or twice a month.

友人曾推薦柴灣的口水雞，說是「抵食夾大件」，今日特意去試。店家比較小，只有少量位置可以堂食，也因疫情關係，所以選擇外帶。價錢合理，單點或配上米線都算便宜。這次買了口水雞回去試，店員在最後淋上很多醬汁。在路上，膠袋及膠盒已經堅持不了。滿滿的紅油從盒內滲出，很怕會沾到自己的衣服。最後更是一場災難，要開盒必先沾到辣油很嘔心。盒的表面也是滿滿的紅油，360度全死角。口水雞的份量多，但可能因為醬汁少很多的關係，辣比酸多很多。味道比較單調，雖然香料多，但還是少了一點點酸味。雞肉滑嫩，有咬口及雞味，不錯。如果店家可以改善包裝上的問題，相信外帶味道會改善不少。

之前食過同事買既外賣有時經過都未開門今次比我撞到佢開門啦距離地鐵站唔遠門面唔太起眼店舖細 晚市會開哂枱係路邊夏天熱辣辣再加𡊰惹味辣 會大汗踏細汗冬天黎既話會更正叫左一個干鍋二人套餐一個乾鍋可以揀三款肉兩款菜送一人一個白飯同飲品～我地揀左豬頸肉、肥牛、雞腎、薯仔同埋蓮藕干鍋底本來會有芝麻、青同荀（唔要既話可能要問下老闆啦再另外叫左串燒燒韮菜、燒牛舌同埋燒雞軟骨串燒即燒熱辣辣 仲好入味人均一百蚊都唔洗服務態度都好好唯一係室外 好受天氣同路面影響要接受到附近食客食煙同埋傾計大聲其餘就唔成問題啦～

口水雞米線🐥疫情下大多數上班族食lunch都係會買外賣/帶飯，而我食左咁多日外賣黎講，柴灣嘅呢一間餐廳真係性價比高，42蚊嘅呢個口水雞米線好足料，雞肉好多而且好滑，再加上佢個口水雞汁好重口味，辣度適中得黎又好香，食落有D麻，但係就好過癮，口水雞夠晒惹味，再加埋個麻辣米線真係正~呢間餐廳主要係做外賣，不過如果你想堂食嘅話門口其實都會有少量位置嘅，但如果環境準詐嘅話，外賣返工office食係會好好多川粵小食#天天飲食#天天飲食_柴灣評分：8/10

其實食過好幾次了但基本都係外賣一人餐返屋企食難得有fd子來到柴灣 咁就一於坐低食下啦即叫即整堂食有個爐可以keep住係熱ge真係超正！叫咗二人set加口水雞 我地兩個都食到超飽差d食唔哂小店環境就要求唔到咁多架啦最緊要好味丫嘛！每次去買都態度好好，抵佢多人幫襯ge!

雖然時常經過這小店，但近排天氣秋涼，多了人開了枱在店外吃飯，我才留意到，原來晚市的外賣並不只得燒烤和小菜。我有點厚顏地直接點了口水雞飯外賣，我說厚顏，是因為該飯本是在午市餐單上，但原來夜市也有！十分高興。店員（相信是老闆娘）很有禮貌地為我落order，然後用北方口音的標準國語叫廚房準備，因此，我對這種住家式小店產生了一種親切感，等了一會兒，就開開心心地帶著我的外賣回家吃。我知道，外賣應該自己帶食具去才是環保的應有行為，但又著實高興他們把白飯和口水雞分開用兩個膠盒盛載。口水雞份量極多，調味絕對北方風味，但本人最最最欣賞的是：他們在白飯上附送的萵筍！是有北方風味的青菜！總括而言，人情味小店，絕對要支持，食物的價錢合理，份量屬中、大水平，我已計劃下星期與朋友堂食串燒了！

第一天來這裡午餐時，發覺佢多做外賣，店面只有三四個位，沒太大期望，既然來到，估且一試，叫了麻辣豬手米線，小辣，盛為38個大洋，不便宜啊！豬手沒有豬氣，非常乾淨，沒有毛，已精心處理過的，吃湯粉照例渴一口湯先，不得了，火燙的湯麻和辣恰到好處，渴後香味在口內不散，米線彈牙，煮到剛剛好，我連湯都飲到見底才擺休。第二天，心思思去試其他嘢，今次叫了口水雞飯。飯很大碗，吃不完，雞全是脾和翼切件，有點煮過火，很鞋，但味道不錯，這款亦是38個大洋。總括來說，小店誠意制作，以後一定多多幫襯。

十分好食的川味小店, 難得在香港搵到好少有既干鍋, 重要咁近屋企, 即時帶埋屋企人來試樣樣都做得好好食, 店仔細細但好好心機份份價錢都唔貴, 但食完個個捧住個肚走食左十幾樣野都只係$534 抵到喊出來!支持小店

自從上次食過呢度嘅干鍋後，一直都對佢念念不忘，今日難得黎開柴灣，就梗係要再黎啦。原本想再食干鍋，但老闆話新出咗雞煲，問我有冇興趣試，咁就不如試下新菜式啦。呢度嘅雞煲同出面嘅雞煲唔同，老闆會先煮好所有餸，再放入鍋度用火慢慢座住，咁就唔駛驚食食下會凍晒啦。雞煲可以揀半隻或一隻雞，再加干鍋嘅配料，我地兩個人叫咗半隻雞，再加墨魚丸，雞脾菇及豬頸肉，辣度要中辣。上檯時香氣十足，雞煲非常惹味，因為配飯嘅關係，中辣都唔會覺得好辣，雞件醃得入味，雞肉亦好嫩滑，配料除咗我地揀嘅之外，仲有蓮藕萵筍等等，吸收晒煲入面嘅辣汁，真係好好味。總括黎講，呢間小店面積雖然細，但所做嘅川菜非常惹味，如果再黎柴灣，一定會再黎食。

小店好像開了一年多，我也住柴灣，一路想找機會試試，今天雖然已吃過晚飯但知道他們有賣串燒就盡管試試，店子很少只可容納幾個人的座位，我唯有買外賣回屋企吃。不錯，不錯，價錢合理，當我們回到家吃時還時熱的！燒得也好吃，還有孜然及麻辣可選！

柴灣群組熱推川辣小店，我也過來趁趁熱鬧。川粵小食主打麻辣乾窩，可是我不太餓，但又想試試辣度，就叫個口水雞外賣回家吧。店員沒有問我要甚麼辣度，所以我都沒有提出。回家打開外賣盒，那麼多蔥！蔥切的幼細，很香。而且有很多花生碎，未吃已經垂涎欲滴！！！果然，辣等不太過癮。肉與骨的比例大約1：1，如果多肉D感看會好DD花生太碎了，全掉落紅油裡，有感浪費。為了吃花生，沾多一點點紅油也不介意了，但原來紅油都不辣。下次真的要試試乾窩，試試真正的川辣。

大大話話都幫襯左呢間小店半年，因為真係又方便又好味。雖然好多時都係買外賣，但總有時間係堂食既。因為成日食既緣故，已經唔知幾耐無睇過餐牌啦，係一次機緣巧合既情況底下聽到其他客人叫干拌麵，亦都親眼見過係咩黎之後，就決定試下啦。「干拌麵」其實即係辣醬撈麵，初時都有擔心係無餸底下個麵會唔會好寡，但係出到黎既效果真係好好，賣相就好似炸醬麵咁，辣醬加埋少少肉碎撈入麵，入口微辣，帶少少麻，打開外賣碗既時候仲散發出陣陣香味，除此之外，因為無湯既關係，「干拌麵」無湯米線咁熱，大熱天時食都幾適合。不過，食完D咁濃味既野之後記住要飲返D野或者食返粒薄荷糖清返個口啦。

平日甚少來柴灣，今日難得黎呢度探朋友，朋友就建議來呢間川粵小食食個飯。呢度平時午市主要做米線，但去到晚市就主打川式干鍋，呢度既川式干鍋可以自選配料，亦有一人或二人份量揀，而味道亦可以揀辣定唔辣。二人干鍋可以揀三款肉同兩款菜，包兩碗白飯及兩杯飲品。肉我地揀左豬頸肉，墨魚丸及雞中翼，菜就揀左薯仔同鮮冬菇，再配兩杯豆漿。味道就要左小麻辣。等左約十分鐘，熱辣辣既川式干鍋就上檯了，用錫紙兜裝住既干鍋香味十足，除左我地揀既配料外，另外有萵筍，乾辣椒同芫茜，每樣配料都切到細細粒，非常易入口，干鍋辣度非常惹味，越食越辣，用黎送白飯真係零舍開胃。另外，朋友極力推介呢度既口水雞，口水雞麻香十足，亦唔會太辣，雞肉醃得夠入味，果然無介紹錯。食完干鍋同口水雞，朋友覺得唔係幾夠喉，所以叫多兩串串燒，叫左香辣雞肉同粟米，雞肉燒得香脆，但唔會太乾，而燒粟米亦非常香甜。總括黎講，呢度位置相當唔顯眼，而舖位亦比較細，唔係朋友介紹都唔會留意到，但口水雞真係好好味，值得再來食。

因為工作關係經常黎呢度光顧，試過佢午餐既米線，亦都試過早餐既潮式腸粉，最近得知佢地開始做晚市，主打川粵干鍋。川粵干鍋都係第一次試。二人套餐盛惠$138，包三種肉，兩種菜，兩碗白飯同飲品兩杯。肉類我地揀左豬頸肉，雞中翼，同埋墨魚丸。菜就揀左鮮冬菇同薯仔。味道可以揀孜然，香辣同麻辣，辣度可以揀小，中或大辣。平時食開呢度既米線，通常叫小中辣，今次同朋友黎，叫左小辣試下。店方將所有肉同菜加入乾辣椒同其他香料炒成，再用錫紙兜送上，再加上芫茜同蔥花，上菜時熱辣辣，賣相吸引，入口香辣，帶點麻，越食會越辣，配埋飯食真係相當開胃。最值得一讚既係所有配料都切到細細塊，連雞翼都一開二，非常方便。平時經常食口水雞米線既我，不得不向朋友介紹，口水雞辣度剛剛好，係一味非常開胃既小食。雖然座位唔多，但係適逢食完時落傾盤大雨，店方都無趕我地走，仲主動叫我地係到避雨，真係招呼周到啦！