影片
更多
2021-02-18
1386 浏览
最近无乜特别搞作，只系近近哋行下。星期日好多餐厅都唔开😖，所以见有边间开就去帮衬喇。喺动漫基地条街，朋友话想食茶记，但又惊我嫌唔好坐🙄。不过谂咗阵嘅期间见左右两间舖，原来系同一个名「豪华咖啡茶厅」，而且店员两边走，就知其实系新旧舖相连而已。我感觉动漫基地𠮶面环境好似会好啲，所以就去咗左舖🙈。但其实入到去除咗大厦本身嘅红砖墙外，装修都系非常一般，同普通茶记无异，即系有啲夹迫，摆满货咁啰😒。不过由于疫情关系，我相信座位已经比以前阔落，而且每张枱都放有隔板，同其他客人有一定距离。朋友话佢以前成日食，但我就从来无食过。望见餐牌，餐牌的确系卖茶餐厅食品，不过就系简约版，食物主要系各式各样嘅面包同埋简单面食，适合做早餐嘅东西。如果想食甚么蒸饭小炒，就要稍移玉步➡️。呢度不设套餐，所有嘢饮都要单点。饮品嘅价钱大部份都贵过食物，咁样系咪间接反映香港人有几爱茶记嘢饮呢🇭🇰？不过如果好似我呢啲可以唔饮嘅人嚟讲，消费更加系抵上加抵。食物称得上价廉物美☺️，卖相平实，味道就系传统港式滋味，同令人反感嘅劣质茶记出品相反。沙嗲牛肉通粉($23)，通粉份量几多，🐮牛肉有唔少片，仲搭多条菜芯。通粉本身就系无坑纹加无弹性𠮶
最近无乜特别搞作，只系近近哋行下。星期日好多餐厅都唔开😖，所以见有边间开就去帮衬喇。喺动漫基地条街，朋友话想食茶记，但又惊我嫌唔好坐🙄。不过谂咗阵嘅期间见左右两间舖，原来系同一个名「豪华咖啡茶厅」，而且店员两边走，就知其实系新旧舖相连而已。
我感觉动漫基地𠮶面环境好似会好啲，所以就去咗左舖🙈。但其实入到去除咗大厦本身嘅红砖墙外，装修都系非常一般，同普通茶记无异，即系有啲夹迫，摆满货咁啰😒。不过由于疫情关系，我相信座位已经比以前阔落，而且每张枱都放有隔板，同其他客人有一定距离。
朋友话佢以前成日食，但我就从来无食过。望见餐牌，餐牌的确系卖茶餐厅食品，不过就系简约版，食物主要系各式各样嘅面包同埋简单面食，适合做早餐嘅东西。如果想食甚么蒸饭小炒，就要稍移玉步➡️。
呢度不设套餐，所有嘢饮都要单点。饮品嘅价钱大部份都贵过食物，咁样系咪间接反映香港人有几爱茶记嘢饮呢🇭🇰？不过如果好似我呢啲可以唔饮嘅人嚟讲，消费更加系抵上加抵。食物称得上价廉物美☺️，卖相平实，味道就系传统港式滋味，同令人反感嘅劣质茶记出品相反。
沙嗲牛肉通粉
$23
53 浏览
3 赞好
0 留言
蛋牛治
$16
45 浏览
0 赞好
0 留言
鲜奶包
$11
53 浏览
0 赞好
0 留言
热奶茶
$16
44 浏览
0 赞好
0 留言
总括嚟讲，今餐系一个几特别嘅体验，我好钟意食嘢，但茶记真系比较少食，佢绝对系地道茶档嘅代表。呢度嘅出品好味道😋，系未到惊艳嘅程度，所以用平民美食嚟形容佢最适合不过。连我呢个一年食足二百日妈妈牌三文治做早餐嘅人，都觉得啲面包好食，实在难得👍。价钱方面，就好似我上述所讲只能单点，但其实自己组合返一个常餐都系同出边差唔多价。
最后，分享埋餐厅少少背景，其实佢已经经营咗好多年，可算系历史悠久。餐厅更系门口贴出一张应该超过三十年历史嘅餐牌😳，店员姐姐仲问我哋识唔识睇当年卖几钱，哈哈，当然难唔到我朋友。讲起服务，你会以为佢哋无乜礼貌，但其实又唔系，只系老店当客人系街坊，就无咗层好拘谨嘅沟通模式🙏🏻。
张贴
