清原

营业中

休息中

食完晚饭之后想食甜品🍧，行出街口有两三间甜品舖，但系都大排长龙。见到呢间芋圆环境唔错，感觉好似cafe，位置宽阔，所以就谂住入去试吓。入到去店员几热情，同我哋介绍有咩食。最后嗌左招牌仙草冰2号同3号，两碗嘢都系仙草冰分别唔大，如果想试其他口味嘅话，店员推介试蔗糖挫冰同暖汤系列。招牌2号既配料主要系薏仁、芋圆、芋头球同珍珠。每碗仙草冰都会附送一个奶油球，加完令到成碗芋圆卖相更加靓同埋入味。配料到算多，堆到个碗好满。最欣赏系个芋头球绵密，而且够甜捞埋啲薏仁，最好食😋。不过，个人认为芋圆可以再甜啲，单独食芋圆嘅时候好似冇乜味，但整体嘅甜度都足够既。招牌3号配料主要系红豆、芋圆、芋头球同珍珠。同招牌2号唯一唔同嘅地方就系多咗红豆🙈，两碗嘢嘅味道都差唔多，其实应该试吓其他口味。不过红豆整体嚟讲比薏仁甜，都几好食。整体嚟讲，份量都足够，尤其是芋圆唔系剩系得几粒，不过可以再甜啲。下次食完饭想揾地方chill下都应该会再嚟，环境真系几好。