南山梳乎厘

营业中

休息中

真系几好奇疏乎厘都可以做专门店，唔试过口就会痕，呢家嘢唔系随街可食到，印象中只系喺酒店自助餐食过，卖到仲贵过碟叉鸡饭，唔食真系冇得_，所以拎定钱畀佢赚，如果甜品都整得唔好就出嚟行，就唔好怪人唔帮衬你。榴梿忘返要$60，都系悭皮啲食过大路啲嘅芒果味$50(但本menu标价$48)，结果都系几好食嘅，似食紧天使蛋糕，微微地甜，等你食极唔够，要encore咁滞，里面系湿池池松泡泡嘅蛋糕，一定填唔饱你个肚，畀你一种青春美丽少艾向你欲拒还迎嘅感觉，等你下次唔返转头唔得，呢啲咪识做生意啰，不过我觉得自己整会好食过佢。