碗碗香 (已結業)

今日系六四，又咁啱行经铜锣湾，想食下呢间之前收藏左嘅贵州餐厅。入门口就闻到阵大陆辣，流晒口水。我地食左老板推介嘅红油牛肉粉，同埋清汤牛肉粉。老板系一个好好客嘅人，不断介绍菜式。从来冇食过贵阳粉，今日先认识。见到有几多大陆人嚟食，我谂原来所谓嘅地道应该系咁。关于贵阳粉，老板话每十天就会由贵州新鲜运到。粗度比乌冬幼少少，米线粗。质感方面，感觉就像粗米线但不算太弹牙的口感，需要多嘴嚼较易消化，可是不太挂汤所以用汤匙伴汤吃较好。⬇️汤底非常出色，清汤牛肉粉嘅汤底好清好甜，饮极都唔会口渴，好高质素。喝得出是牛骨熬出来的！配上贵阳粉一起吃很夹。清汤牛肉粉上有两种唔同嘅牛肉，一种系白灼牛展，一个系红烧牛展。我自己比较喜欢白灼牛展，每块都有牛味同埋很有口感。红烧牛展就炆得好琳好入味，但份量颇多，食得多会感觉很滞。⬇️红油牛肉粉，我们叫了小辣，但食唔到辣的朋友，千祈不要那小辣。我是食得辣的人都觉得很辣。个人认为辣得的确过瘾，可是汤上的红油，却令人食唔到原来汤底的鲜味，有点可惜。另外我们也试了老板推介的苦丁茶，原来真的解辣回甘，似乎比牛奶更有效。老板夸口喝完十五分钟甘味还会在嘴里荡漾，真的没有夸张。整体上很满