影片
更多
2020-07-21
498 浏览
本身好少专登揾川菜食，不过见近期好多食酸菜鱼专门店，我又未食过，一直都好想试。话晒第一次只想小试牛刀，所以就选有提供酸菜鱼lunch set的「十二味」，分量冇咁多。十二味有好几间分店，但事前做功课时又发现好似唔系间间都一样menu，稳阵起见就来了一定有酸菜鱼lunch set的北角店。佢嘅lunch set几抵，大概四十几至六十几蚊，唔驶加一，包埋前菜、饭同饮品。酸菜鱼（$68）可选辣或者唔辣，我要小辣。上菜时畀个大碗吓亲，午餐来讲分量绝对唔少，鱼片大约有十块左右，而且都算大块，全部啖啖肉，完全冇骨，又滑，问过侍应姐姐，佢话应该系鲈鱼。酸菜都畀得唔少，酸度刚好，唔会好呛喉，仲有少少甜甜地。汤汁酸得来带轻微辣，食多两啖就感觉到佢的麻，越食越刺激。口水鸡（$48）原来系冻食的，表面浸住辣油好似好辣，但同酸菜鱼一样，系麻多过辣，而且有花椒八角𠮶种香味，如果系热食应该会更好，而鸡件质感尙可，唔算好滑嫩。不过我最欣赏，始终系𠮶碟前菜凉拌土豆丝，爽口之余酸酸地好醒胃，好想单点一碟。以第一次食酸菜鱼经验，系颇满意，鱼肉好滑，酸酸辣辣好啱呢个天气食，性价比亦好高，待疫情缓和，大家不妨考虑一试。
话晒第一次只想小试牛刀，所以就选有提供酸菜鱼lunch set的「十二味」，分量冇咁多。十二味有好几间分店，但事前做功课时又发现好似唔系间间都一样menu，稳阵起见就来了一定有酸菜鱼lunch set的北角店。
佢嘅lunch set几抵，大概四十几至六十几蚊，唔驶加一，包埋前菜、饭同饮品。酸菜鱼（$68）可选辣或者唔辣，我要小辣。上菜时畀个大碗吓亲，午餐来讲分量绝对唔少，鱼片大约有十块左右，而且都算大块，全部啖啖肉，完全冇骨，又滑，问过侍应姐姐，佢话应该系鲈鱼。酸菜都畀得唔少，酸度刚好，唔会好呛喉，仲有少少甜甜地。汤汁酸得来带轻微辣，食多两啖就感觉到佢的麻，越食越刺激。
口水鸡（$48）原来系冻食的，表面浸住辣油好似好辣，但同酸菜鱼一样，系麻多过辣，而且有花椒八角𠮶种香味，如果系热食应该会更好，而鸡件质感尙可，唔算好滑嫩。
不过我最欣赏，始终系𠮶碟前菜凉拌土豆丝，爽口之余酸酸地好醒胃，好想单点一碟。
以第一次食酸菜鱼经验，系颇满意，鱼肉好滑，酸酸辣辣好啱呢个天气食，性价比亦好高，待疫情缓和，大家不妨考虑一试。
张贴
