影片
更多
2024-09-18
1351 浏览
闺蜜生日，当然要同佢食一餐好既， 见网上好多人都推介呢间入门级fine dining，今日一于一试，果然性价比高，成个体验几满意。01 Welcome Drink：接骨木花姜啤汤力泡沫姜啤系无酒精的，成杯野饮好清新，好refreshing ，感觉就系清新左你既口腔同味蕾，等你预备好品尝接下来嘅每一道食物。02 Trio Starter 共三品：店员细心介绍，需要由味道较淡既开始食起， 由浅入深，慢慢品尝。阿根廷红虾桂花青瓜果冻伴黑鱼子好精致，好似一件艺术品咁，桂花青瓜好神奇地将阿根廷红虾嘅鲜味提鲜，黑鱼子就起咗画龙点睛嘅作用，令人回味。青柠柚子松叶蟹肉水晶脆壳松叶蟹肉好鲜甜， 青柠柚子一啲都唔酸反而好香，配上用风干嘅葛粉制成嘅水晶脆壳， 成个口感好特别，既有咬口又松化。伏特加西瓜.刁草忌廉发达芝士.竹炭芝士脆片一入口系浓裂既伏特加酒精味，但一啲都唔呛口， 随之而黎系咬开西瓜鲜甜嘅果汁， 配上刁草忌廉发达芝士嘅奶油香气，配上竹炭芝士脆片， 成个口感味道好特别， 有多重层次，但又出奇地非常夹。03 Soup：椰香烤红菜头浓汤 ＆ 是日餐汤（ 蘑菇汤）店员会好有仪式感咁喺你面前倒上餐汤同加上
197 浏览
0 赞好
0 留言
01 Welcome Drink：
接骨木花姜啤汤力泡沫
姜啤系无酒精的，成杯野饮好清新，好refreshing ，感觉就系清新左你既口腔同味蕾，等你预备好品尝接下来嘅每一道食物。
105 浏览
0 赞好
0 留言
67 浏览
0 赞好
0 留言
02 Trio Starter 共三品：
店员细心介绍，需要由味道较淡既开始食起， 由浅入深，慢慢品尝。
阿根廷红虾桂花青瓜果冻伴黑鱼子
好精致，好似一件艺术品咁，桂花青瓜好神奇地将阿根廷红虾嘅鲜味提鲜，黑鱼子就起咗画龙点睛嘅作用，令人回味。
青柠柚子松叶蟹肉水晶脆壳
松叶蟹肉好鲜甜， 青柠柚子一啲都唔酸反而好香，配上用风干嘅葛粉制成嘅水晶脆壳， 成个口感好特别，既有咬口又松化。
伏特加西瓜.刁草忌廉发达芝士.竹炭芝士脆片
一入口系浓裂既伏特加酒精味，但一啲都唔呛口， 随之而黎系咬开西瓜鲜甜嘅果汁， 配上刁草忌廉发达芝士嘅奶油香气，配上竹炭芝士脆片， 成个口感味道好特别， 有多重层次，但又出奇地非常夹。
03 Soup：
椰香烤红菜头浓汤 ＆ 是日餐汤（ 蘑菇汤）
店员会好有仪式感咁喺你面前倒上餐汤同加上椰浆。红菜头味好香， 成个汤酸酸甜甜好开胃； 蘑菇汤好creamy，食得出佢将啲蘑菇打到好碎，所以好浓郁。
04 Main Course：
43 浏览
0 赞好
0 留言
30 浏览
0 赞好
0 留言
香草芝士烤龙虾海胆忌廉汁意大利饭
呢个系今餐嘅MVP，真系超超超好食， 龙虾同海胆嘅份量都超级多，龙虾肉已经起好， 唔需要自己拆壳，龙虾啖啖肉好新鲜好Juicy，海胆既份量更系意想不到既多，好甘甜好crramy，一啲都唔腥，加上烤过既脆边，将海胆既鲜味更加逼出，又增加左口感，成个真系令人欲罢不能，真系好好食。
西班牙杜洛克猪胺扒
猪胺扒好厚身，成cm厚啖啖肉，猪味好浓郁，猪胺扒唔算太稔，个肉汁几juicy。配菜有西兰花、蕃茄、及原只薯仔，西蔺花炒得几好食，但薯仔唔知系用左酸忌廉定乳酪酱，味道较酸，有啲突兀。
10 浏览
0 赞好
0 留言
8 浏览
0 赞好
0 留言
05 Trio Dessert Platter共三品
甜品就无食用既先后次序，可以按照个人喜好品尝
豆腐芝麻柚子挞
本身担心会好甜，但完全唔会，顶层系芝麻，底层系豆腐，两者味道都好浓郁但又唔会盖过对方，好神奇，饼底好松化
红枣桑椹意式沙冰
红枣同桑椹都好有益，一个补血，一个护目益肾。一入口好似饮紧红枣水咁，好清甜，沙冰唔系好绵果种，反而系有咬口既碎冰，几得意，但一咬就碎，唔会过硬
青梅酒薄荷气泡水
呢个同样系无酒精的， 薄荷味好浓好清爽，对比其他甜品饮品呢个有啲逊色， 但感觉就好似系用完膳后，比你清新洁净口腔同解腻既作用。
06 Outro 饮品
青瓜柠檬花蜜茉莉茶
柚香橘皮古树普洱冰茶
两杯都好清新淡雅，好钟意呢度既饮品完全唔会太甜，淡而不寡，好有质感，果香配合茶，味道balance得好好。
张贴
