鮨本

营业中

休息中

Omakase，系社交平台睇朋友就食得多，今次终于到我食好西啦因为同朋友庆生，所以献出左人生第一个Omakase比『鮨本』！环境灯光明亮，充满日式餐厅气息。今次仲好好彩食到期间限定menu，呢个menu只做到4月尾，包括刺身或酒肴5品、寿司10贯、玉子烧、汤同甜品，非常期待！5品包括有萤光鱿鱼天妇罗(左上)、马友鱼一夜干(左中)、𩽾康鱼肝(左下)、盐烧平贝(右上)、北海道帆立贝(右下)。萤光鱿鱼天妇罗：口感微脆，够鲜，带少少咸香令呢道菜更加好食。马友鱼一夜干：可以落青柠汁，鱼皮酥脆，肉质富油香感，口感软嫩。𩽾康鱼肝：入口即溶，软绵绵口感，带有浓郁香味。盐烧平贝：肉质厚实，贝味比较淡。北海道帆立贝：最有惊喜，带子肉质鲜嫩，可以清楚感受到鲜甜味。上面嘅肝酱令味道更丰富，我仲加咗啲Wasabi，令味道更出色。渍物有生姜、柚子萝卜同苦瓜三款。姜爽口微辣，柚子萝卜清脆爽口，带有酸甜清香，而苦瓜则入口酸酸涩涩，爽口，尾韵带有甘香。石川县手钓池鱼(上)，口感丰富，鱼肉鲜嫩。虎山湾小白虾昆布渍(下)，食落去好黏贴，又好鲜甜浓郁。北寄贝，海水味好出，口感非常爽口。松叶蟹，两个字，鲜甜！鸟贝，鲜甜又爽口。