影片
更多
2018-04-27
194 浏览
同老婆慶祝紀念日， 諗住揾間好啲嘅餐廳， 見近排多左餐廳做omasake, 又未試過， 問過下朋友， 就介紹左呢間係大角咀嘅餐廳俾我。一入到去， 成個裝修非常簡單， 見到一個刺身櫃同3位師傅係到準備食材。 由於係第一次食廚師發辦， 只知道所有野都食都係廚師話事，由前菜，湯， 刺身， 漬物， 壽司到生果估唔到前前後後上左成廿幾款野。每上一款食物， 師傅都會講一下食物名， 見到我地有疑惑時，更會介紹一下個食物產地，特質甚至食物嘅外型。 而食嘅食物，好多都係第一次聽嘅， 好似鷹羽鯛， 八角魚，鮫碟魚等等。。另外，都見到師傅對食物嘅執著，將食物放枱時一定要佢地放好， 可能呢個就係廚師應要用嘅態度。由於太多款食物， 依到只係講其中幾款特別深刻印象嘅：墨烏賊加昆布：墨烏賊幾爽口彈牙， 加埋昆布嘅香， 唔使沾鼓油都已經好夠味。赤身： 鮮甜，而且軟熟， 雖未係入口即溶，但咬幾下後已經溶化了大拖羅： 真係入口即溶， 配上紫菜同紫蘇葉，食起上黎冇咁膩，但又唔會蓋過魚嘅油香， 個after taste仲可以keep到好耐。珍寶牡丹蝦： 北海道黎嘅， 超爽甜同埋大隻， 而且連個頭都可以食埋， 咁當然唔係話食
一入到去， 成個裝修非常簡單， 見到一個刺身櫃同3位師傅係到準備食材。
由於係第一次食廚師發辦， 只知道所有野都食都係廚師話事，由前菜，湯， 刺身， 漬物， 壽司到生果估唔到前前後後上左成廿幾款野。每上一款食物， 師傅都會講一下食物名， 見到我地有疑惑時，更會介紹一下個食物產地，特質甚至食物嘅外型。
而食嘅食物，好多都係第一次聽嘅， 好似鷹羽鯛， 八角魚，鮫碟魚等等。。
另外，都見到師傅對食物嘅執著，將食物放枱時一定要佢地放好， 可能呢個就係廚師應要用嘅態度。
由於太多款食物， 依到只係講其中幾款特別深刻印象嘅：
墨烏賊加昆布：墨烏賊幾爽口彈牙， 加埋昆布嘅香， 唔使沾鼓油都已經好夠味。
赤身： 鮮甜，而且軟熟， 雖未係入口即溶，但咬幾下後已經溶化了
大拖羅： 真係入口即溶， 配上紫菜同紫蘇葉，食起上黎冇咁膩，但又唔會蓋過魚嘅油香， 個after taste仲可以keep到好耐。
珍寶牡丹蝦： 北海道黎嘅， 超爽甜同埋大隻， 而且連個頭都可以食埋， 咁當然唔係話食個殼， 係入面啲膏同個腦， 仲一啲腥都冇添。
馬糞海膽，三文魚子加蔥吞拿魚：無敵組合， 甘香，鮮甜， 加上個底有舊壽司飯， 一口食哂， 成個感覺好balance, 好滿足。
另外呢到嘅壽司飯同係出面食個嘅好唔同， 唔會話一陣醋味， 握出黎嘅飯好鬆軟，唔係壓到扁哂， 望落去仲見到d飯仲係一粒粒，但又唔會一攞起就散。
最後食埋個水果， 咁餐飯就正式完結啦。 總括黎講， 成餐飯都好滿意， 對住未食過Omasake嘅我黎講， 更加特別同有趣，因為唔會知自己有乜野食， 每一道菜上黎時都有一個期待嘅心情。
张贴
