Zooba Bar & Grill (已結業)

响宝勒巷做完嘢，同事话不如响附近饮杯野食晚饭，又好啫。 行过赫德道，见到呢间餐厅中门大开，望入去情调几特别，原来系食中东菜嘅。中东菜对我嚟讲好陌生，咁有缘，一于体验吓。 因为未食过，都唔知叫咩菜式好，唯有睇餐牌介绍食物有咩材料、煮法、调味料方面嘅资讯嚟决定......据说阿拉伯地区盛产香料，因此中东菜比较多用香料。Shish Taouk前菜系鸡肉串烧，伴有沙律菜同埋蒜蓉酱，沙律菜新鲜爽口，又好食。串烧鸡肉有3件，由洋葱、甜椒隔开，味道口感都唔错主菜叫咗2人埃及烧烤拼盘，拼盘配有菜汤同中东碎米。店员教我哋将中东米捞匀，分放响碟上，试吓就咁食，个人觉得都系捞汤好食。个汤有红萝卜、薯仔、黄芽白等蔬菜，好饮。Egyptian Mixed Grilled Platter for two烧烤拼盘有羊扒、鸡胸、免治羊肉做的Kefta、羊肉香肠、薯角、蕃茄同杂菜沙律，加埋中东白芝麻酱。肉类用特殊香料腌过再烧烤，羊扒同羊肉香肠一啲都唔膻。饮品系热情果特饮同Mojito，两款都清新解渴，好饮㖞。一边听音乐，一边倾谒，欢乐时光好快过，一个唔错嘅尝新体验。