Masala Hut & Cafe (已結業)

见到尖沙咀开咗新嘅印度菜，即刻叫埋朋友一齐嚟试下～店员见我哋系度研究餐牌，都行过嚟介绍一下，仲话之后会有中文餐牌架，到时再嚟食下先今晚我哋叫咗 Dahi Golgappe，其实系印度嘅小吃，一粒粒嘅爆脆波波，里面有薯仔，仲有洋葱同少少酸辣酱，食落去甜甜酸酸咁，好好味呀，不过食个阵要成粒放落口架，如果唔系就会食到好论尽呢～平时食沙律多数系蔬菜水果沙律，今次食嘅Mixed Bean Salad 都唔错～材料有鹰嘴豆、红腰豆、粟米、青瓜、蕃茄同洋葱等等，好有口感呀，同店员讲起先知鹰嘴豆系印度主要嘅的五谷之一，难怪食食下都有少少饱嘅感觉 之后有热辣辣Murg Malai Tikka(烤鸡无骨)，一块块嘅烤鸡再配忌廉同印度香料，啖啖鸡肉都好浓味呀，仲可以配搭埋唔同嘅酱汁架！而主食仲有Shabnam Curry(咖喱蘑菇)再配埋Tandoori Roti (印度原味烤饼）+ Garlic Nan (大蒜烤饼），简直系最佳配搭，开头都惊咖喱会太辣，不过原来少少辣嘅咖喱蘑菇都好惹味。再加咗两杯饮品 Fruit Punch + Strawberry Milkshake，今餐真系好丰富呀