莆田 (美麗華廣場2期) (已結業)

几年前食过一次莆田，记得系特色嘅福建菜，呢晚经过见到门口display蛏霸，友人就话想食～见到menu有8种蛏子煮法，我就拣咗销量冠军嘅铁板盐焗蛏子，友人想试姜葱炒蛏子。铁板盐焗蛏子，冇太多调味，反而鲜味突出，以为焗完会好干，点知蛏子肉依然肥美juicy！姜葱炒蛏子，姜葱香味适中，唔会盖过蛏子原有鲜味～冰浸苦瓜，系我上次食过今次要encore嘅前菜，冰冰凉凉又爽口，配上蜂蜜够清新～扁肉汤，以为会好细碗，点知相反😯汤底淡淡紫菜香，猪肉饺子有口感～LIKE荔枝咕噜肉，同平时嘅咕噜肉一样，不过菠萝变成荔枝，荔枝甜甜的又同咕噜肉几夹，加上咕噜肉质弹牙，炸浆薄脆～最后友人坚持想试兴化炒米粉，米粉质地幼细入味，配料平凡但味道惊喜！