蜀大俠 (已結業)

今日行过铜锣湾揾野食嘅时候见到有间四川火锅店新开张，就入左去食喇。由于太多人等䢂，我地决定行楼梯。如果搭䢂的，一出䢂就会见到蜀大侠的招牌。一坐底就已经要赞了，好贴心咁提供左围巾比客人，以防整污糟件衫。个餐牌都好特别，做到一本武林秘笈咁，好有中国嘅特色。仲有提议大家煮几耐先食。落完单之后就睇下有啲咩调味料，调味料都十分齐全。有蒜蓉粒、芫荽、葱粒、豉油、醋同蚝油。另外，每人都会有一小罐香油，个香油好抵赞，比一般的麻油更香，好好味。由于朋友加上自己都唔敢食太辣，所以就叫左个红白鸳鸯锅，拣左微辣。首选推介！呢个花千骨真系超级好食，用特式辣酱腌猪肋骨，食落好腍好正。然后叫左两碟牛，首先系手切美国雪花肥牛。我觉得呢碟好食啲，因为肉质比较肥美，会有入口即溶嘅感觉。同时亦有好香嘅牛肉味，放红锅就会好重麻辣味，放白锅就会系清甜牛肉味。各有所长，每边都要试下。另一碟就系极品肥牛卷，呢碟相比之下就无咗入口即溶嘅感觉，不过佢嘅牛肉味好香。我哋四个人各人对两碟都各有追捧，不过两碟都系十分之好味嘅，比平时火锅嘅肥牛高质好多。呢个太极双滑好特别，系虾滑，一边系辣味一边冇辣味。呢个太极双滑好鲜甜，无论放喺红锅定白㖞，