Chulo Nepalese Home Cooking

营业中

休息中

咁岩行过佐敦肚饿，又口痕想食少少新口味既野，见到一间好平民既小店Chulo Nepalese Home Cooking，所以就行入去试下啦。咁入到去都好地道，都系尼泊尔同南亚朋友为主，望下餐牌见到个从来未食过既食物叫Dhido，google一下发现Dhido/Dhindo系尼泊尔茶其中一项staple food~ 虽然以前既人会觉得Dhido系低下阶屠既食物，但随时间改变大家应该都学习下理解新既事物丫~ 其实Dhido姐系熟粉团，将各类面粉加入清水煮熟(或者加少少油)就系啦，咁得意梗系要试下啦! 所以叫左个Dhido veg set~$55 Dhido口感其实好似糯米池，但冇甜味，有麦香同谷物味。佢主要食法系用手搣出黎点汤或者咖喱汁食，但我当然用叉啦，干净少少。Dhido配番咖喱汁你唔会好大期望，主要姐系等于咖哩汁捞饭咁，不过其实几新奇，味道OK，可惜今次既Dhido Set既咖哩份量偏少，CP值扣左少少分! 另外Dhido好饱味顶胃，如果消化唔好既朋友未必一次过食好多呀。其实仲想饮芒果沙冰同试下Samosa架，不过食完Dhido已经好饱，所以就留待下次啦。