影片
更多
2022-06-16
27 浏览
呢度环境舒服，似高级嘅西餐厅。餐厅仲会播放一啲中东音乐，侍应以英文沟通为主，佢哋都系十分有礼貌而且会可以向佢哋请教该餐厅嘅招牌菜。kabuli pulao with mutton呢道菜系喀布尔抓饭加埋羊肉，上面仲有好多红萝卜丝。佢地嘅抓饭质地似好碎嘅米粉，但食落一啲都唔干架。红萝卜好甜，仲食到羊肉嘅香味。羊肉口感腍滑易咬，而且一啲都唔骚，十分有惊喜。Lahori Chicken makhni (half)基本上每一枱客人都会叫嘅道菜，佢就系香料鸡啦。味道似咖喱鸡，当然系中东菜特有嘅酱啦。值得一赞嘅系，入味得黎又唔会好咸好辣，系正宗嘅中东菜味道。佢个汁用黎点naan bread绝对一流。而且鸡肉都煮得好滑，每旧都啖啖用架。Garlic naan食中东菜又点少得naan bread，今日选择左蒜蓉口味。呢到嘅蒜蓉味唔会好浓，但足够调味。上枱嘅时候仲系外脆内软，份量都好大旧，食完十分满足啊。Chicken namkeen boti (10pcs)呢道菜真系十分令人惊喜，佢烤嘅鸡球。每旧都大大粒，好有口感。好明显食得出系用碳炉烤嘅鸡，但一咬落去肉汁依然丰富。佢仲配埋洋葱同柠檬块比你自己配搭，加
呢度环境舒服，似高级嘅西餐厅。餐厅仲会播放一啲中东音乐，侍应以英文沟通为主，佢哋都系十分有礼貌而且会可以向佢哋请教该餐厅嘅招牌菜。
kabuli pulao with mutton
呢道菜系喀布尔抓饭加埋羊肉，上面仲有好多红萝卜丝。佢地嘅抓饭质地似好碎嘅米粉，但食落一啲都唔干架。红萝卜好甜，仲食到羊肉嘅香味。羊肉口感腍滑易咬，而且一啲都唔骚，十分有惊喜。
Lahori Chicken makhni (half)
基本上每一枱客人都会叫嘅道菜，佢就系香料鸡啦。味道似咖喱鸡，当然系中东菜特有嘅酱啦。值得一赞嘅系，入味得黎又唔会好咸好辣，系正宗嘅中东菜味道。佢个汁用黎点naan bread绝对一流。而且鸡肉都煮得好滑，每旧都啖啖用架。
Garlic naan
食中东菜又点少得naan bread，今日选择左蒜蓉口味。呢到嘅蒜蓉味唔会好浓，但足够调味。上枱嘅时候仲系外脆内软，份量都好大旧，食完十分满足啊。
Chicken namkeen boti (10pcs)
呢道菜真系十分令人惊喜，佢烤嘅鸡球。每旧都大大粒，好有口感。好明显食得出系用碳炉烤嘅鸡，但一咬落去肉汁依然丰富。佢仲配埋洋葱同柠檬块比你自己配搭，加左柠檬汁就更加开胃，令人食指大动。个人私心推荐，呢个真系一定要试嘅菜式啊。
饮品方面有唔同嘅果汁同埋moctail，中东菜以肉类为主，可以选择一啲水果类嘅饮品来解腻。今次选择左香蕉奶昔，每一啖都会食到粒粒嘅香蕉蓉，而奶唔会好浓厚偏向清新。成个口味好独特而且好配合到菜式口味。
张贴
