丸十寿司日本食堂

营业中

休息中

行开朗豪坊，见到呢间都开左几个月既寿司舖，见装都几靓下就想入去试下食唔食得返日本既味道。餐厅楼底好高，空间感十足。炸鸡软骨 - 呢个炸鸡软骨可以话系试过最好味既鸡软骨。本身鸡软骨既肉感比一般既多肉，而师传炸得好苏脆。成粒鸡软骨变得比出面都软身，而且好香。香葱鲔鱼蓉海胆丼 - 海胆鲜甜，creamy，好新鲜。而鲔鱼蓉好足料，因为师传舖得好厚身，做到每一口都有大量既鲔鱼，而且好鲜甜，好满足。炸软壳蟹寿司汉堡 - 呢味系比较有惊喜既一味。炸软壳蟹炸得好香脆，食到中间仲啖啖肉好满足。而个饭就好软熟。口感又软熟又有脆口。而且唔好睇佢好似几细咁，其实一个巳经八成饱。鸡皮串烧 - 呢个都烧得唔错，表层几脆口。但系挂住倾计，等耐左就无咁好脆。所以叫左既朋友记得尽快食左佢啦。