春城銅鍋米線

营业中

休息中

钟意食米线嘅我成日都会去试新野，到处发掘有冇好食米线！咁岩做完Facial经过见到好似几得意，用铜锅装米线，就入左去试。🍜自选酸酸辣辣铜锅米线 $45 💫7/10自选萝白、猪润两𩠌。首先汤底好浓惹味，酸味够，米线爽弹都滑身，浸埋落汤底系够味。汤底仲有D肉碎、芽菜、腐皮、木耳丝、甜酸菜，最欣赏佢个甜酸菜，真埋米线一齐食更加开胃！萝白好大一旧食起上黎唔太方便，但够淋清甜冇咩渣。猪润煮得几好食，爽脆得黎够软滑，唔会好粉。鸡翼入味都够腍，肉算几滑身。另外叫左个星星鳕鱼豆腐，出黎系非常普通鱼蛋咁。🌟总结：价钱抵食，正正常常，酸辣汤底唔算太惊艳，路过绝对可以一试。