江南瀨粉 (福榮街) (已結業)

大食鬼上身，今晚要食埋宵夜先可以安落瞓。 深水埗真系好难泊车， 所以随意就泊喺街边看住架车食野就算啦。 今次试咗呢间江南濑粉， 铺头好多圆枱， 冷气亦都好充足。最正就系自己落单比伙记， 啱晒啲宅男宅女。濑粉系沾米粉做成嘅， 比较粗身， 入口都好爽滑。 食物嘅选择都有好多， 净系汤底都可以拣清汤味、蕃茄味、麻辣味同酸辣味…… 老公拣咗清汤味，我就拣咗麻辣味。 嚟到嘅时候我觉得清汤系正啲， 非常鲜甜。𩠌菜方面我哋食咗墨鱼丸、猪膶、 鹅肠同水饺。 墨丸食得出系手打嘅， 十分爽口。 猪润真系好出色， 起晒沙而且唔老， 鹅肠不过不失， 水饺就一般啦。