影片
更多
2017-06-03
249 浏览
庆祝生日等第二击，韩烧！上网见到生日有海带汤＆樱花酒杯送等等。即日打电话去订位嘅时候，对方都话系落单时出示身分证就可以。去到餐厅楼下登记个度，侍应俾咗张纸叫我哋上一楼。张纸有写到枱号＆生日，但上到一楼佢哋都唔需要睇张纸。一坐低，我谂住问下生日优惠嘅详情，（其实我只想要个樱花酒杯🙈）点知个女侍应话我哋唔系提早一日订，所以无。当下呆咗，如果无，咁头先就应该系电话入面讲，而佢哋嘅Facebook 虽然有讲要提早预订，个无规定一定要提早一日。。虽然唔系要贪啲咩，但本人就最憎尼啲前后矛盾嘅行为。所以系落单嘅时候，又再问多次。今次个男侍应问返我哋系咪有订位，然后再睇咗男友嘅身分证后，就讲返会有啲咩优惠。大致上同Facebook 差不多，不过无炸鸡、无生日相。由于我哋都唔饮酒，所以只要咗海带汤＆酒杯。虽然唔系咩大事，但由尼件事都可以睇到啲内部沟通问题。🤷🏻♀️发泄完一轮，讲返啲食物先。拣套餐最方便，咩都有啲，唔使烦。因为本人唔太好牛，所以拣咗猪肉生蚝套餐。首先前菜颇丰富，除咗基本嘅泡菜、酸萝卜外，仲有沙律。沙律加咗芝麻酱，简单得来，够好味枱面有酱料介绍，话俾大家知应该点样配搭。我都系第一次知点解之前
上网见到生日有海带汤＆樱花酒杯送等等。即日打电话去订位嘅时候，对方都话系落单时出示身分证就可以。
去到餐厅楼下登记个度，侍应俾咗张纸叫我哋上一楼。张纸有写到枱号＆生日，但上到一楼佢哋都唔需要睇张纸。一坐低，我谂住问下生日优惠嘅详情，（其实我只想要个樱花酒杯🙈）点知个女侍应话我哋唔系提早一日订，所以无。当下呆咗，如果无，咁头先就应该系电话入面讲，而佢哋嘅Facebook 虽然有讲要提早预订，个无规定一定要提早一日。。
虽然唔系要贪啲咩，但本人就最憎尼啲前后矛盾嘅行为。所以系落单嘅时候，又再问多次。今次个男侍应问返我哋系咪有订位，然后再睇咗男友嘅身分证后，就讲返会有啲咩优惠。大致上同Facebook 差不多，不过无炸鸡、无生日相。由于我哋都唔饮酒，所以只要咗海带汤＆酒杯。虽然唔系咩大事，但由尼件事都可以睇到啲内部沟通问题。🤷🏻♀️
发泄完一轮，讲返啲食物先。
拣套餐最方便，咩都有啲，唔使烦。因为本人唔太好牛，所以拣咗猪肉生蚝套餐。
首先前菜颇丰富，除咗基本嘅泡菜、酸萝卜外，仲有沙律。沙律加咗芝麻酱，简单得来，够好味
枱面有酱料介绍，话俾大家知应该点样配搭。我都系第一次知点解之前有啲韩烧店会有类似海盐嘅调料。所以尼个摆设值得一赞。
满心期待打开两个盖，结果两个入面都系大酱🙄🙄🙄🙄因为一开始嘅事，所以都费事再叫佢哋换。
海带汤，好大碗。本身应该就系预两人份量，加上生日优惠送个碗。变咗我哋一人饮咗一大碗🐷
食材嘅卖相都几吸引。另外用锡纸杯来烧生蚝＆菇类，系个创意之举
杂菇盘入面有加牛油，烧都唔会太干。
其实成餐饭都唔错，侍应都有主动来添返芝士同蛋浆。虽然一开始有啲小插曲，但都唔会扣太多分。
张贴
