常悅素食

营业中

休息中

之前朋友介绍话呢间素菜好食就带我地黎试下，第一次食素食餐，比想像中好好多，无肉不欢嘅唔洗怕，素肉原来都可以整得好食，而且唔油唔腻，好健康咁，服务又好，侍应会同我地搞下笑，今次四人叫四𩠌一饭，平均每人$100。凉拌粉丝皮 $45正正常常，粉皮爽口，开胃又清新。红烧三椒翅 $98口感同食一般翅一样，味道无平时食嘅碗仔翅咁酸，仲甜甜地咁，几好味，而料就唔算特别多。榆耳千页豆腐 $78豆腐豆味重，份量都几多，最特别系中间肉，比平时啲叉烧更浓叉烧味，质感好松化，真系好似平时啲肉一样咁。香芋焗饭 $86未食已闻到芋头香味，芋头整到芋泥之余仲有一粒系入面，甜甜地咁，饭底系炒饭炒到一粒粒好香口。红草莓香味骨 $90士多啤同香味骨出奇地夹，酸酸甜甜，仲有阵阵士多啤梨味，而个骨都系好松化，不论肉质定味道都同鸡肉好似。