黔知味牛肉米線

营业中

休息中

讲开米线，自然会谂起云南米线；或者加入咗麻辣汤底，偏近四川口味嘅米线；又或者经过改良，迎合港人口味嘅港式米线。至于，近期香港多咗唔少国内口味嘅餐厅，其中以酸辣香鲜醇厚浓郁为主嘅贵州菜，我哋都真系未食过，所以嚟到荃湾黔知味牛肉米线，就初尝第一次嘅贵州米线。黔知味怪味牛肉「怪味」牛肉嘅酱汁酸酸辣辣，非常惹味，够晒醒胃。黔知味牛肉米线黔知味牛肉米线嘅招牌，当然系牛肉米线啦！薄切嘅牛肉除咗肉味浓厚，仲要非常嫩滑。至于米线系粗身米线，食落更有口感更索汤。至于汤底辣味唔呛鼻，但就好惹味。黔知味蹄花面蹄花即系猪手，炆煮过嘅猪手嫩滑无比，一咬开就皮肉分离，肉质松软，而猪皮吸收咗汤汁后，口感更滑溜，充满骨胶原。黔知味夜郎糍粑糍粑可以算系贵州菜嘅代表！糍粑系即叫即做，所以够晒新鲜热辣，当中嘅糯米糍粑同玉米糍粑嘅味道比较清雅，而高粱糍粑因为用上高粱混合糯米制成，能够提升糯米嘅香味，食落烟烟韧韧。