鉄人大盛 (已結業)

平时食日式放题就食得多，今次同朋友试依间用铁板烧做卖点嘅日式放题。依度环境同其他放题有d唔同，座位系围住铁板烧而坐，而每一个铁板烧师傅主要负责某几款烧物，即叫即制，可以一路睇住师傅煮，一路食，系味觉同视觉嘅享受。我地先点刺身，有好多款刺身选择，我地就每样都叫黎试下。刺身都几新鲜，我特别喜欢个牡丹虾同带子，当然要encore啦。依度仲有我必食嘅左口鱼寿司，又点可以错过呢，入口充满鱼油香，的确不错。烧物方面，鸡翼系不可或缺架，师傅用心喺面前烧，见到都流口水。厚切牛舌烧到刚刚好，完全唔会韧，正！依度仲有蟹膏炒饭食呀！炒饭粒粒分明，再配上香浓嘅蟹膏，连好少放题食炒饭嘅我都食多两啖。