影片
更多
2018-06-10
1794 浏览
我一嚟到见到部䢂封住咗，唔知系突然坏咗定一直都系咁啦，温馨提示：有需要搭既吃货留意喇~第一次食Jollibee，骤眼睇非本地人多过香港人，可能呢一个系非本地人嘅天堂，呢度名不虚传，果然系姐姐们嘅天堂，因为当时我四周都被姐姐们包围住， 好不热闹。咁第一次食Jollibee，第一件事梗系睇咗餐牌有咩食先啦。食香港嘅快餐店大既我 e.g.食麦当劳同kfc咁，见餐店都好少有粉面类， 我第一下见到有意粉 真系觉得新奇又有趣，但我见到我隔离嘅姐姐都有食，唔知系咪真系咁好食呢？去到呢到又好肚饿既吃货有兴趣可以试下可惜我今次就无食到而我今次order咗两个set，一个系两件乐脆鸡配指定美食，另一个系滋味套餐；佢地惟一既分别就系前者配薯条，后者配磨菇饭+香芒蜜桃批，而两者都有两件鸡件同汽水先讲一讲个主角 - 炸鸡佢配有一个酱汁，试真啲，佢嘅酱汁正正系蘑菇饭嘅蘑菇汁，呢个汁我食到一半先知道原来for点鸡嘅。佢嘅鸡其实唔点汁到ok，都够咸，而佢嘅皮 脆得黎唔觉得热气，程度点到即止；而最难忘必定系佢里面既肉质，不单单系鸡搥，连鸡上脾都嫩滑到冇得弹，juicy既！个饭就比较硬，无汁都好难食得到，磨菇少，磨菇都
第一次食Jollibee，骤眼睇非本地人多过香港人，可能呢一个系非本地人嘅天堂，呢度名不虚传，果然系姐姐们嘅天堂，因为当时我四周都被姐姐们包围住， 好不热闹。
咁第一次食Jollibee，第一件事梗系睇咗餐牌有咩食先啦。食香港嘅快餐店大既我 e.g.食麦当劳同kfc咁，见餐店都好少有粉面类， 我第一下见到有意粉 真系觉得新奇又有趣，但我见到我隔离嘅姐姐都有食，唔知系咪真系咁好食呢？去到呢到又好肚饿既吃货有兴趣可以试下可惜我今次就无食到
而我今次order咗两个set，一个系两件乐脆鸡配指定美食，另一个系滋味套餐；佢地惟一既分别就系前者配薯条，后者配磨菇饭+香芒蜜桃批，而两者都有两件鸡件同汽水
先讲一讲个主角 - 炸鸡
佢配有一个酱汁，试真啲，佢嘅酱汁正正系蘑菇饭嘅蘑菇汁，呢个汁我食到一半先知道原来for点鸡嘅。佢嘅鸡其实唔点汁到ok，都够咸，而佢嘅皮 脆得黎唔觉得热气，程度点到即止；而最难忘必定系佢里面既肉质，不单单系鸡搥，连鸡上脾都嫩滑到冇得弹，juicy既！
个饭就比较硬，无汁都好难食得到，磨菇少，磨菇都带点草菇既味道，整体味道偏淡。
薯条份量十分少，薯条有清清既薯仔味道，而无加工既咸味，颇天然，适合无咁重口味既吃货。而佢既茄汁有啲窝心既位，就系佢好user-friendly，开口得一个，mit完唔会成手都系。
最后就有都几令人惊喜既香芒蜜桃批。佢既大小系十分迷你，内里有分明既芒果同蜜桃味，馅料就有蜜桃粒，对我黎讲感觉几新鲜，味道不错而且温度keep得好好，食既时候微热，口感似McDonalds既苹果批，值得一试
整体黎讲除咗鸡件同香芒蜜桃批比较出色之外，其余都为正常，可惜既系佢既鸡得一款：唔辣，如果好似我咁中意食辣既就会觉得可惜咗啲，但鸡都真系好好食，可以力保不失。
补充一句，佢既可乐无特别沟水，少冰既可乐依然可以保持十分冰冷，证明佢既汽水机性能仍很好，赞
张贴
