RBTea (已結業)

早几日下午约左朋友仔去尖沙咀一转，难得约左朋友仔，当然要揾个地方倾计聚一聚啦！我真系好少嚟尖沙咀都唔系好识去揾食，所以朋友仔就带我去左一个倾计食甜品的好地方~哈哈哈...依度就系尖东新文华中心嘅RBTea，系一间新开嘅日西式餐厅嚟呀！茶室入面环境都唔错，而且整座位都坐得好舒服呀~不过我地真系大乡理，等左一阵先知原来店铺系以半自助形式，而要自己去收银处点食物及拎取餐具呀~餐牌入面啲食物都好吸引呀~由于我地两个都唔算太饿，所以只系点左啲小吃。自行去付款后，就会有一个兔仔号码牌，等一阵就会有店员送上食物啦~天气热热地，我同朋友仔都分别点左草莓冰雪乐及芒果冰雪乐~两杯好足料嘅果汁刨冰，再配上MOVENPICK雪糕，饮落真系凉一凉，都几啱我俩口味，唔错呀！香肠芝士西兰花薄脆~我地嘅主角终于都嚟到，分别就系草莓轻食松饼及香蕉抹茶轻食班戟~草莓轻食松饼就系我俩强烈推介，因为个松饼即叫即焗，而且又唔会太干或太㶶，一口松饼加雪糕一齐食，真系非常好味呀~香蕉抹茶轻食班戟就系由三层班㦸外层抹上抹茶酱汁，再加上香蕉，既特别之余仲几靓添。不过我地都觉得个抹茶味唔算太突出，如果可以加多少少抹茶味，应该会更加好呀~