Power Burger (黃竹街)

营业中

休息中

最近中意左食汉堡，留意到深水埗呢间小店有Smash Burger，听就听得多，但从未食过，网上评价唔错，所以揾左个平日LUNCH去食。星期四下午点零嚟到，当时无客人，落完单等个零字就食得。焦脆汉堡 $88内有两块煎到扁嘅2oz汉堡扒，扒边食落焦脆，有少少牛香同少量黑椒味，配埋自家制酸酸地嘅酱汁同酸瓜仔，食落一d都唔溜，加上非常松软嘅面包，个人觉得好好味!!🤤如果中意食啖啖肉嘅朋友，呢度都可以拣唔系Smash版嘅汉堡，相信都唔错。焦脆鸡堡 $78鸡扒煎得几靓仔，不过食落就联想唔到脆。酱汁同牛堡一样，朋友就中意呢款多D。另外加$38要左两款特别d嘅小食----金黄炸鱼条同埋佐酒炸鸡粒炸鱼条食落有鱼香，质地似鱼腐，但再软身少少；炸鸡粒就普普通通。餐厅除左茄酱外，仲有黄芥未同蛋黄酱供客人任添。另外仲有软糖比大家咬下😏嚟个饭后一点甜。整体食物味道唔错，食之前自己觉得份量几细，但原来成个餐食哂之后，非常饱😅如果仲有下次，应该会继续食焦脆汉堡。餐厅除现金外，都接受其他付款方式。