初心冰室 (已結業)

而家流行怀旧，好多餐厅都用冰室黎命名，不过已经唔系卖常餐，比较似系西式cafe，初心冰室就系其中一间。入到餐厅都见倒装修怀旧，灯光调较至昏暗几有气氛大部份都系卡位，岩哂倾计。台面系马赛克花纹，好有特色啊！午餐有好多选择，沙律、扒餐、意粉同焗饭都有。午餐仲配有餐包、餐汤同饮品！切合冰室既怀旧风，饮品仲有得拣黑牛同白牛添！店员首先送上餐包同餐汤，我地拣左杂菜汤，好香蕃茄味又好足料！餐包送上台热辣辣，索哂啲牛油，正啊冻柠茶都好大杯！香煎龙脷柳配蚬肉香草忌廉汁，我拣左配薯菜，薯菜唔系普通薯条，系带皮既薯角，新鲜炸起，加埋忌廉汁食龙脷柳煎至表皮香脆，腌料系简单既盐同黑椒，更能带出鱼既鲜味，鱼肉好嫩滑！个汁都有好多蚬肉，绝不马虎架！烤美国西冷配黑松露野菌烧汁配薯菜，西冷无得拣熟度不过火喉控制得好好，生熟程度岩岩好！好浓牛味野菌烧汁好浓郁，岩哂捞埋薯角一齐食！单点既香煎鹅肝配红酒黑醋汁，鹅肝煎至外脆内软，保留左鹅肝既香滑口感，黑醋汁中和番鹅肝既油腻感，估唔倒一间普通冰室都可以食到咁出色既贵价食材。超值既午餐，店铺仲有提供下午茶同晚餐！下次再试其他野！